Bandièra01 1180x150: Comuna de Tolosa

Actualitats

Bascoat: massissa manifestacion per la liberacion d’Arnaldo Otegi e Rafa Díez Usabiaga

18 000 personas marchèron dissabte per carrièras a Sant Sebastian en revendicant la libertat politica

| Víctor
Dètz e uèch mila personas manifestèron dissabte de ser per carrièras a Sant Sebastian (Bascoat) per revendicar la liberacion d’Arnaldo Otegi e Rafa Díez Usabiaga, dos dirigents de l’esquèrra independentista basca que son en preson dempuèi lo 16 d’octòbre de 2009. Son acusats d’aver ensajat de reorganitzar lo partit politic Batasuna, que l’estat espanhòl l’aviá illegalizat.
 
Ara arriban a sièis ans d’empresonament e es pr’amor d’aquò que mai d’un collectiu, sindicat e partit del Bascoat manifestèron en tot denonciar “l’entestament” de l’estat espanhòl “a manténer en preson los que solament ensajavan de cercar la libertat pel camin de la patz”. Los enfants dels dos presonièrs portavan la bandieròla que reclamava la libertat per Arnaldo e Rafa e la libertat politica.
 
Segon los organizaires, la plataforma Arnaldo Askatu e l’iniciativa Free Otegi Free Them All, lo fach de manténer en preson Otegi e los autres acusats del dich afar Bateragune rebat la “misèria d’un estat” que vòl pas resòlver lo conflicte basco amb lo dialòg. Al delà d’Otegi e de Díez Usabiaga, foguèron tanben detenguts dins la meteissa causa Gardan Zabaleta, Sonia Jacinto e Arkaitz Rodríguez, qu’an ja complit la pena e que sortiguèron de preson fa una setmana. Dissabte èran a la tèsta de la manifestacion.
 
Otegi deuriá sortir de preson previsiblament en abril e Díez Usabiaga un pauc mai tard, “pr’amor que sembla que li perdonaràn pas lo temps qu’empleguèt per sonhar sa maire”, segon las entitats convocantas.
 
La manifestacion a comptat amb de sosten internacionalista. I aviá de representants catalans de la CUP e d’ÈRC, e galècs del BNG, d’asturians de Conceyu Abiertu e de gents d’endacòm mai.
 
 
L’afar Bateragune
 
Otegi foguèt condemnat a sièis ans e mièg de preson per apertenéncia a una banda terrorista dins l’encastre del dich “afar Bateragune”, ont lo jutgèron, el e d’autres politicians, en l’acusant de refondar Batasuna —un partit politic basquista d’esquèrra qu’èra estat illegalizat— e mai en l’acusant de s’amassar amb ÈTA dins una temptativa ont la banda armada declarèt una trèva, per fin que de basquistas poguèsson participar a las eleccions municipalas e autonomicas bascas de 2011.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Els espanyols se'n poden anar a..., és a dir, l'altre dia em parlaren de el ferro calent i el ferro fred,.
Parlar amb espanya és com picar ferro fred, així que bascos feu la vostra, i aneu a allí on vulgueu, ja que si a espanya se l'hi envà Catalunya ( i espero que aviat els PP.CC.), i Euskalerria, el Mòn vuerà que aquí passa quelcom d'estrany i anormal.
Bé, epero que l'Otegui torni aviat a casa, mentres tot el suport del Món.
L'Ernest, "El Tàrrega".

  • 0
  • 0
Ernèst Guevara Jr. L'Avana
2.

A fòrça d'ensajar d'embarrar totes los qu'an ensajat de pensar autrament que falengista de dreita extrèma castelhanista, lor caldriá fin finala embarrar totes los Basques, d'un sol còp, per aver comés lo pecat criminal d'anar fièrs d'èsser basque, çò qu'es, ne convendretz, intolerablament terrorista, intolerablament esquerrista, intolerablament dangierós. Sabi pas perqué, mas a ieu, occitanista, los basques m'an pas jamai terrificat de ges de biais. Anatz saber perqué…

  • 1
  • 0
Pirolet
1.

Amb un Otegi lendakari, auràn pas tant de temps per dire a far d'asenadas en Catalonha los Raxoi, Rivera e Cia!

  • 3
  • 0

Escriu un comentari sus aqueste article