Bandièra01 1180x150: Comuna de Tolosa

Actualitats

Los contes d'Alan de l'Ors

Lo contaire de Carcassona posa dins lo repertòri tradicional dels contes del país, per dire en bona lenga d'òc, amb unes pecics de francés (se cal) e la fòrça del gèste, d'istòrias que meton en scèna de personatges imaginaris e vertadièrs que se sabon sortir de totas las trapanèlas encontradas en camin amb una punta de rire e de trufandariá.
Amb el, poiretz seguir los collègas de Joan de l'Ors e totes los personatges (òmes e bèstias) qu’arriban de la nuèit dels temps totjorn e encara portaires de la lenga d’òc o lo Boçut a faire son torn de França.
 
Entre lo "Un còp èra" de debuta e lo "E cric e crac final, seretz agantats dins la remolinada dels mots e de las aventuras risolièras o pertocantas, amb unes contes per totes, de 3 meses a... 333 ans! De que estancar la vòstra set d’imaginari e de mots aluserpits coma un vin novèl... Un còp, un òme volguèt crompar una vinha...

 
Dimars 7 d’agost:
Camplong d’Aude (Corbièras), 14h: Contes d’Alan de l’Ors
Camplong d’Aude (Corbièras), 22h: participacion a l’espectacle Òc-La Crosada-1
 
Dijòus 9 d’agost:
Durban (Corbièras), 17h: lecturas dins l’encastre de Le Vin se Livre
 
Dissabte 11 d’agost:
Montcuc (Carcin Blanc), 21h30: participacion a l’espectacle Òc-La Crosada-1
 
Divendres 14 de setembre
Cornèsa/Confolens (Teatre dins las vinhas): animacion Mestièrs d’antan
 
Dissabte 15 de setembre:
Carcassona, 11h: lecturas pel Forum de las associacions
Valròs (Besierés), 21h30: participacion a l’espectacle Òc-La Crosada-2
 
Dimècres 17 d’octobre:
Nalhós (Lauragués) (orari de precisar) contes pel Festenal Occitania
 
Dimècres 24 d’octobre:
Puègnautièr (Carcassés), sala Na Loba, 15h: contes Tres grans de rasim..
 
Divendres 23 de novembre:
Carcassona, Capèl-Roge: 10h e 15h: participacion a la lectura Jordana
Carcassona, Mediatèca, 12h30: Pic-nic cultural amb Lo laurèl trencat
 
Del 26 al 30 de novembre:
Carcassona: intervencions dins las escòlas per promòure l’espectacle Patapim patapam (de TIO-La Rampa)
 
Divendres 21 de decembre:
Carcassona, Ostal Sirventés, 18h30: lectura Virolets de patana
 
 
Lo podètz contactar per e-mail o al telefon +33 (0)4 68 25 19 78.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jornalet
2.

#1 Mercés per la remarca. Quand trabalham tròp lèu i a tostemp d'errors, mai que mai tipografics.

  • 1
  • 0
correctot Menimosia
1.

"seretz agantas" : seretz agantaTs

  • 0
  • 0

Escriu un comentari sus aqueste article