Bandièra01 1180x150: Comuna de Tolosa

Actualitats

L’occitanisme manifestarà deman a Montpelhièr

Serà una jornada internacionala de mobilizacion per las lengas minorizadas de l’exagòn

| Dàvid Grosclaude
L’occitanisme manifestarà deman a Montpelhièr per la lenga occitana. Organizada per la coordinacion Anem Òc, un collectiu qu’amassa l’Institut d’Estudis Occitans (IEO) e las Calandretas, e amb l’oposicion frontala de qualques collectius occitanistas que son pas d’acòrdi amb la forma o lo luòc causit per manifestar, la protèsta cèrca de “desencalar la situacion de l’ensenhament amb de convencions estat-regions, e amb aquò vòl definir un estatut de lenga regionala dins l’ensenhament. E tanben es una accion importanta de comunicacion per redreiçar l’imatge de la lenga”, segon çò qu’explica Joan-Loís Blenet, president de Calandreta, dins una entrevista al jornal catalan Vilaweb.
 
“La primièra revendicacion es la d’una lei que permeta que se faga de politicas lingüisticas e volontaristas de desvolopament de las lengas. I a tanben de revendicacions dins los encastres de l’ensenhament, la cultura, la socializacion e los mèdias”, çò apond Blenet. “Un autre objectiu es de mobilizar las responsabilitats publicas en favor de la lenga occitana just quand comença la campanha de las eleccions regionalas de decembre”, çò precisa, en tot anonciar que la marcha comptarà amb la participacion de candidats e d’elegits d’Occitània tota.
 
Ça que la, segon el, “l’objectiu principal es vertadièrament de dinamizar lo terren occitan, de ne mobilizar los simpatizants, e ansin de cambiar l’agach qu’an de l’occitan los elegits e la societat. Cal mostrar que la granda idèa occitana mobiliza”.
 
Totun las espectativas d’ongan son mai bassas que las de las edicions anterioras. “Se sèm vint mila, nos sentirem fòrça contents vist qu’avèm causit la data a escala estatala ligada a las eleccions e non pas a las vacanças escolaras”, çò explica Blenet.
 
 
L’occitanisme “se jogarà sa credibilitat”
 
Deman, “se jogarà a Monteplhièr la credibilitat del movement per la lenga d’òc”, coma o rapòrta lo setmanièr provençal Aquò d’Aquí.
 
Dins un encastre d’agonia, la lenga d’òc contunha de se far agressar per lo poder politic francés amb una reforma del collègi que minimiza sa preséncia dins l’educacion, amb de dificultats e de pretèxtes legals per ratificar pas la Carta Europèa de las Lengas Regionalas o Minoritàrias, e amb d’autras menaças. L’occitanisme a respondut ongan de manièra energica amb las caumas de la fam de Dàvid Grosclaude e d’Evalina Houlès e amb l’espelida del movement dels Mespresats.
 
 
De manifestacions parallèlas al nivèl internacional
 
Al nivèl internacional, l’occitanisme es tornarmai a indicar la via. En seguida de la crida a manifestar per l’occitan a Montpelhièr, se debanaràn d’autras ma

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
5.

Vinga, vinga! D'aquí al mès alt. segur que serà un èxit, aneu-hi tothom, disfruteu, i passeu-s'ho tant bé com vulgueu.
I que això sigu el començament de quelcom mès grand, així va començar la Via Catalana, ara us toca a vosaltres.
Com dic sempre: Vsica la Terra Lliure! I fora dubtes i que suigui un èxit.
Gràcies a vosaltres de part de:
L'Ernest, "El tàrrega".

  • 1
  • 0
Gg
4.

Bòn passacarriera a nosautres! D'aut lenga occitana!

  • 4
  • 0
ES PAUMS LAIRISSA
3.

Es Paums que non i podaram èste deman en Montpelhièr, mes interpretaram "Aqueres..." en tot solidaritzarmos. Força

  • 8
  • 0
francesc palma de mallorca
2.

Cars amics ,lo CAOC anirà a la manifestacion, e portarà los porros plens de vin del Penedes, d'Alella, lo moscatell negre de l'Espluga de Francolí prop de Montblanc. Per compartir-los amb vosautres bravi gent que defensa sa lenga e sa terra, de los corbasses. Las cocas catalanas son plan bonas, esperi que en portaran e se compartiran ecumenicament; la dolça de Motserrat és molt bona. Que sia una polida festa de gemanor e tamben de compartir-ho tot, la cultura, la musica, lo coratge, l'esperit, la bondat, las il·lusions e las esperances, coma mai causas milhor. Visca Occitania ! Visca las llibertats de la magnífica nacion occitana !

  • 4
  • 0
Lafontan
1.

Lo 24 d'octobre marcarà segurament la fin d'un cicle, nos caldrà lèu TOTES soscar a d'accions mai radicalas que d'entrevistas al ministèri o de passejadas festivas !!!!!! Es ora de blocar FRANCA 3, los rectorats, las DDE etc....de nos ligar amb los vinhairons, los delocalisats etc....

  • 20
  • 1

Escriu un comentari sus aqueste article