Actualitats
Montpelhièr es uèi l’epicentre d’un país
De milièrs de personas reclaman uèi al Clapàs un encastre legal per l’occitan
Uèi Montpelhièr aculhís una granda manifestacion per reclamar una lei que permeta lo desvolopament e l’ensenhament de la lenga occitana. La protèsta se passarà dins l’encastre d’una jornada revendicativa dins tota la republica amb de manifestacions parallèlas a Karaez, Estrasborg, Mètz, Ajacciu e Baiona. Dins lo cas de la manifestacion per l’occitan, s’espèra d’amassar qualques desenats de milièrs de personas, après que la darrièra convocacion, realizada en 2012 a Tolosa, rassemblèt 30 000 personas en defensa de l’identitat occitana. Precedentament, en 2009 Carcassona aculhiguèt 25 000 personas, en 2007 son 20 000 personas que se trobèron a Besièrs e en 2005 foguèron 10 000 los manifestants tornarmai a Carcassona. Aquelas donadas indican una incontestabla mobilizacion creissenta dins tot lo país, e mai se la espectativas de uèi son inferioras a causa de la data e de l’atomizacion de l’occitanisme.
Organizada per la coordinacion Anem Òc, un collectiu qu’amassa l’Institut d’Estudis Occitans (IEO) e las Calandretas, e amb l’oposicion frontala de qualques collectius occitanistas que son pas d’acòrdi amb la forma o lo luòc causit per manifestar, la protèsta cerca de “desencalar la situacion de l’ensenhament amb de convencions estat-regions, e ansin vòl definir un estatut de lenga regionala dins l’ensenhament. E tanben vòl far una accion importanta de comunicacion per redreiçar l’imatge de la lenga”, segon çò qu’explica Joan-Loís Blenet, president de Calandreta, dins una entrevista al jornal catalan Vilaweb.
Pendent tot lo matin, tre 10h30, l’Esplanada aculhirà una seguida d’activitats, presentacions e estands de las associacions del país. La cultura, la lenga, la politica, la gastronomia e totas las autras expressions occitanas seràn presentas dins un “Vilatge Occitan” que servirà per demostrar la vitalitat del pòble occitan e per prene vam dins una jornada de revendicacion e de fèsta.
La manifestacion, qu’aurà per devisa “Anem Òc! per la lenga occitana”, farà un bèl percors pel centre de la vila. Sortirà a 14h00 de l’Esplanada, farà un bèl trajècte per la ciutat e tornarà a l’Esplanada previsiblament a 18h30.
A 19h00 i aurà una serada festiva a la Plaça de la Comuna de Montpelhièr amb una serada organizada pel collectiu Còp Sec, que prepausa de concèrts e de balètis menats per Le Bal du Griffe, Laurent Cavalié, Cocanha e San Salvador.
La comuna de Montpelhièr, e mai que mai lo primièr cònsol de la vila Philippe Saurel, sostenon la manifestacion, segon çò que podèm legir dins una entrevista de Saurel publicada sus La Setmana.
Organizada per la coordinacion Anem Òc, un collectiu qu’amassa l’Institut d’Estudis Occitans (IEO) e las Calandretas, e amb l’oposicion frontala de qualques collectius occitanistas que son pas d’acòrdi amb la forma o lo luòc causit per manifestar, la protèsta cerca de “desencalar la situacion de l’ensenhament amb de convencions estat-regions, e ansin vòl definir un estatut de lenga regionala dins l’ensenhament. E tanben vòl far una accion importanta de comunicacion per redreiçar l’imatge de la lenga”, segon çò qu’explica Joan-Loís Blenet, president de Calandreta, dins una entrevista al jornal catalan Vilaweb.
Pendent tot lo matin, tre 10h30, l’Esplanada aculhirà una seguida d’activitats, presentacions e estands de las associacions del país. La cultura, la lenga, la politica, la gastronomia e totas las autras expressions occitanas seràn presentas dins un “Vilatge Occitan” que servirà per demostrar la vitalitat del pòble occitan e per prene vam dins una jornada de revendicacion e de fèsta.
La manifestacion, qu’aurà per devisa “Anem Òc! per la lenga occitana”, farà un bèl percors pel centre de la vila. Sortirà a 14h00 de l’Esplanada, farà un bèl trajècte per la ciutat e tornarà a l’Esplanada previsiblament a 18h30.
A 19h00 i aurà una serada festiva a la Plaça de la Comuna de Montpelhièr amb una serada organizada pel collectiu Còp Sec, que prepausa de concèrts e de balètis menats per Le Bal du Griffe, Laurent Cavalié, Cocanha e San Salvador.
La comuna de Montpelhièr, e mai que mai lo primièr cònsol de la vila Philippe Saurel, sostenon la manifestacion, segon çò que podèm legir dins una entrevista de Saurel publicada sus La Setmana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Avèm ja agut la discussion sus tot aquò: la causida del luòc foguèt pas justificada e es segurament una error politica. Auriá degut èsser Limòtges o Marselha per exemple. Que i ajan d'errors e d'imperfeccions es regretable, ara per ieu es pas estat jamai un argument contra lo fach de manifestar. Lo còp que ven nos enganarem pas.
#8 Besièrs, Carcassona, Montpelhièr, centralas en Occitània ??? Macarèl !! Avèm pas la meiteissa concepcion de la centralitat ! Rodés, Orlhac, Menda son mai centralas.
#5 arratsaldeon,
al primer paràgraf de la notícia tens la cronologia i els llocs (Besièrs, Carcassona, Tolosa)
com pots veure habitualment se celebren en una zona més o menys central geogràficament; és comprensible que sigui així però també que hi hagi gent que demani una "descentralització"
Sosten total emb lo passacarriera per la lenga occitana!
10 ans de paciéncia, es pròpi bèu. Malgrat li promessas faussi de Francés (Mitterrand) au discors de Lorient en 1981 fins a la promessa no 56 de Francés (Hollande) e la majoritat au Parlament.
Vos recordatz que Felip Bel èra au promier reng a la manif de 2012 per l'occitan...?
Aüra d'actes oficials e durables dins lo temps de la part dau govèrn!
Drecha coma senèca an mes l'occitan a l'agonia. E a elu de se despatolhar per qu'avance. Es de lor responsabilitat istòrica.
Dignitat e determinacion per la lenga occitana ancui!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari