Bandièra01 1180x150: País Invisible

Actualitats

Chauma dins lo ciau limotjaud

Los sindicats de contrarotlaires aerians se mobilizen contra un projecte que menaçariá l'aeropòrt de Limòtges.

Aeropòrt de Limòtges
Aeropòrt de Limòtges | Babsy

Tres sindicats de contrarotlaires aerians (CGT, CFDT e UNSA) an apelat a una chauma los 2 e 3 d'abriu. Protesten contra lo projecte de la Direccion Generala de l'Aviacion Civila (DGAC) de restructurar lo contraròtle aerian en defòra de París.


Denoncien la diminucion dau personau que menará a la barradura de quinze centres de contraròtle sus trenta que compta la França d'acianta 2020. Lo de Limòtges seriá menaçat. Maneja un espaci aerian de 270 km de long, 200 km de large sus 5 000 m d'altitud e que compòrta los aeropòrts de Limòtges, Briva, Montluçon-Garait e Engoleime. Seriá remplaçat per un servici d'oraris redusits que, segon los sindicats, permetriá pus d'assegurar la dubertura de linhas novelas, los vòus tardius o d'urgéncia sanitària per l'ospitau limotjaud. E mai la barradura dau centre concernariá lo personau administratiu e la mantenença que se podriá far a Tolosa. Per la DGAC, queu projecte modernizará lo servici public de la navegacion aeriana. Segon l'aeropòrt, p'un vòu será annulat auei.

Maime Caillon

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article