Bandièra01 1180x150: Comuna de Tolosa

Actualitats

Una presentaira de television de Mexic se quilha après èsser secutada en dirècte per lo sieu companh

La productritz l’auriá forçada de declarar puèi que tot èra un montatge

Enrique Tovar, presentaire de la television mexicana Televisa, secutèt e insultèt dissabte en dirècte sa companha de programa Tania Reza. Pendent lo secutament, Reza se sentissiá incomòda per l’actitud de Tovar fins al moment que li toquèt una popa, e en aquel moment ela se planguèt dobèrtament e ensagèt de l’arrestar. La presentaira ensajava de contunhar la transmission del programa, mas Tovar insistissiá a la tocar. E fin finala Reza diguèt: “ieu pòdi pas pus trabalhar aital” e quitèt lo platèl. E lo presentaire encara diguèt “cresi que ma companha es un pauc ormonala”.
 

 
En seguida, Televisa publiquèt un vidèo ont Tovar e Reza explicavan que tot èra estat una badinada. Puèi la cadena los licencièt.
 

 
Dins un comunicat, diluns passat, lo grop de television mexican disiá que los dos avián explicat que “la scèna foguèt una accion, amb l’intencion de crear un contengut viral, e que los dos presentaires avián pas informat la productritz que farián aquela accion ofensiva”.
 
Mas la presentaira denoncièt dimars passat sus son compte de Facebook que Televisa l’aviá quichada per que declarèsse que lo secutament èra estat un montatge. “Malastrosament, dins aquelas situacions, i a de pressions de las entrepresas e d’obligacions de dire (o quitament d’enregistrar) que soi colpabla”.
 
 

GRACIAS A TODOS POR SUS COMENTARIOS Y MUESTRAS DE AFECTO. LAMENTABLEMENTE EN ESTAS SITUACIONES EXISTEN PRESIONES POR...

Posted by Tania Reza on dilluns, 26 / octubre / 2015

 
 
En Mexic, la violéncia contra las femnas es fòrça abituala e es vengut un problèma de dimensions colossalas, amb de cases esglasiants coma los feminicidis que, dempuèi los ans 1990, afèctan Ciudad Juárez, precisament la vila ont se fasiá dissabte aquela emission.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèire Vidal Castèl de Faujau
3.

A tròp se sarrar de la flamba, a la fin, òm se crèma. Non solament aquel arlèri non s'amerita cap consideracion feminina, mas en mai d'aquò, dòna que vòl anar plan respectada deuriá tot a l'encòp causir melhor amb qui anar, e mùai qué far…

  • 2
  • 0
repepiaire repepistan
2.

eleccions regionalas ? lgv ? sivens ? areva ? gas d'esquist ? bizi/hsbc a baiona ?

non, non,

telebordilha au mexic...

" queste còp avem tochar le fond "; as rason tiston !

  • 2
  • 4
Lilian Chovèl Occitània de bisa
1.

Queste còp avem tochar le fond! En mai d'aquò, ilha mai se faguèt licenciar!

  • 1
  • 0

Escriu un comentari sus aqueste article