Actualitats
Catalonha Nòrd revendica un estatut pròpri en agachant lo procès d’independéncia de Catalonha e Aran
Las entitats civicas exigisson que lo nom de la nòva region siá “Occitània-Catalonha”
Mai de 2500 personas manifestèron per carrièras del centre vila de Perpinhan, en ocasion del Jorn de Catalonha Nòrd (la “Diada”), per contestar la validitat del Tractat dels Pirenèus. La protèsta d’ongan superèt clarament l’assisténcia de las annadas anterioras. Lo collectiu SEM, qu’amassa d’associacions e d’entitats nòrd-catalanas, revendica un estatut pròpri per Catalonha Nòrd e per aver mai de de competéncias, e atanben per que lo nom de la futura union de Lengadòc-Rosselhon amb Miègjorn-Pirenèus faga referéncia a aquela singularitat. Pere Manzanares, activista e un dels fondadors del collectiu SEM, explica qu’agachan “sens cap de paur e amb fòrça esperança” lo procès independentista de Catalonha e Aran. “Un estat independent entraïnariá de consequéncias positivas per la catalanitat de Catalonha Nòrd”, çò afirmèt.
Revendicacion e fèsta fusionèron, un còp de mai, a la “Diada” de Catalonha Nòrd. E mai, se clavèt dissabte a Perpinhan la dètz e novena edicion del Correllengua, una seguida d’eveniments festius per revendicar l’usatge social del catalan dins totes los Païses Catalans. Cada an se fa coïncidir la fin d’aquela iniciativa amb la mobilizacion contra lo Tractat del Pirenèus signat lo 7 novembre de 1659: en aquela data, las comarcas nòrd-catalanas demorèron separadas administrativament de la rèsta de nacion catalana en passant jos la sobeiranetat de l’estat francés.
La mobilizacion d’ongan a agut un fòrt aspècte reivindicatiu. Jol lèma “Sèm Catalonha Nòrd, volèm un estatut”, las entitats civicas nòrd-catalanas an reclamat un estatut pròpri que reconesca explicitament e de manièra efectiva l’oficialitat del catalan e la reconeissença de las raices politicas e culturalas catalanas.
Un dels promotors del collectiu SEM Catalonha Nòrd, Pere Manzanares, expliquèt a Vilaweb que vòlon que l’estat francés reconesca l’identitat e la singularitat del territòri nòrd-catalan e que li done mai de competéncias d’autogovèrn. Per Manzanares, aquela demostracion de reconeissença tanplan la cal visualizar dins lo nom de la nòva region qu’amassarà las actualas de Lengadòc-Rosselhon e Miègjorn-Pirenèus. “Prepausam que se nomene Occitània-Catalonha o ben Occitània-País Catalan”, çò expliquèt.
Manzanares explicava tanben que, “mentre qu’amb un uèlh agacham vèrs París”, de l’autre “cessam pas d’agachar Barcelona”. “Sèm fòrça atentius, pas preocupats, mas esperaires, perque pensam que se Catalonha arriba d’èsser un estat independent, aquò entraïnarà de consequéncias positivas per la catalanitat en Catalonha Nòrd”, çò diguèt.
Revendicacion e fèsta fusionèron, un còp de mai, a la “Diada” de Catalonha Nòrd. E mai, se clavèt dissabte a Perpinhan la dètz e novena edicion del Correllengua, una seguida d’eveniments festius per revendicar l’usatge social del catalan dins totes los Païses Catalans. Cada an se fa coïncidir la fin d’aquela iniciativa amb la mobilizacion contra lo Tractat del Pirenèus signat lo 7 novembre de 1659: en aquela data, las comarcas nòrd-catalanas demorèron separadas administrativament de la rèsta de nacion catalana en passant jos la sobeiranetat de l’estat francés.
La mobilizacion d’ongan a agut un fòrt aspècte reivindicatiu. Jol lèma “Sèm Catalonha Nòrd, volèm un estatut”, las entitats civicas nòrd-catalanas an reclamat un estatut pròpri que reconesca explicitament e de manièra efectiva l’oficialitat del catalan e la reconeissença de las raices politicas e culturalas catalanas.
Un dels promotors del collectiu SEM Catalonha Nòrd, Pere Manzanares, expliquèt a Vilaweb que vòlon que l’estat francés reconesca l’identitat e la singularitat del territòri nòrd-catalan e que li done mai de competéncias d’autogovèrn. Per Manzanares, aquela demostracion de reconeissença tanplan la cal visualizar dins lo nom de la nòva region qu’amassarà las actualas de Lengadòc-Rosselhon e Miègjorn-Pirenèus. “Prepausam que se nomene Occitània-Catalonha o ben Occitània-País Catalan”, çò expliquèt.
Manzanares explicava tanben que, “mentre qu’amb un uèlh agacham vèrs París”, de l’autre “cessam pas d’agachar Barcelona”. “Sèm fòrça atentius, pas preocupats, mas esperaires, perque pensam que se Catalonha arriba d’èsser un estat independent, aquò entraïnarà de consequéncias positivas per la catalanitat en Catalonha Nòrd”, çò diguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A vaure si la Catalunya Nord s'anima.
Ànims!
"Tàrrega".
"Occitania" non es acceptable se non es seguit de l'indispensable qualificatiu de "centrala". "Catalunya", per la meteissa rason, non es acceptable se non es seguit de la precision "nord".
E perqué pas OCCITÀNIA CENTRALA -PAÍS CATALAN ? Aquí de reviramainatges que van far passar de marridi nuèchs a Valls ea la chorma politica francimanda !
Pirolet a rason. Lengadòc-Catalonha es lo melhor.
Catalonha va plan, mas Occitània, ja n'avèm parlat. Val mai Lengadòc-Catalonha. De tot biais cal pas que dos noms: amb O.C. o L.C., se pòt pas far de farlabica (encara que lo 1èr...); per contra, amb OPC, lèu seriam d' "Opétiens" dins lo jergon franchimand.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari