Bandièra01 capçalera  1180x150: Novestivada

Actualitats

Manifestacion per l’occitan de Montpelhièr: mesprètz de las autoritats

La coordinacion Anem Òc denóncia de marridas practicas de l’administracion e la manipulacion de la polícia sul nombre de manifestants

De questions se pausan sul nombre de personas que manifestèron lo 24 d’octòbre passat a Montpelhièr, del temps que se manifèsta un boicòt de las autoritats.
 
D’un costat, la polícia diguèt als organizaires qu’avián comptat 15 000 personas e apondèt: “mas direm que n’i a 5000”. Es çò que podèm legir sul sit de la coordinacion Anem Òc. Sens precisar la rason d’aquela manipulacion de las chifras, los organizaires de la manifestacion denóncian un “prigond mesprètz” de las autoritats. “La prefectura, prevenguda tre lo 16 de març per un rescontre en dirècte amb lo prefècte, demorèt sens respondre a totas las demandas fins a la primièra setmana d’octòbre”, çò ditz la coordinacion en tot precisar que lo 8 d’octòbre la meteissa prefectura “impausèt son trajècte”. Un trajècte que percorreguèt de zònas pauc abitadas e que l’avián pensat per far la manifestacion invisibla.
 
Los organizaires de la protèsta denóncian tanben sus lor sit “la lucha acarnissada d’una partida del movement occitan per la malparada de la manifestacion”.
 
 
 

Barcelona TV - #aranésòc: reportatge de la manifestacion

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles paisos valencians
7.

des dels paisos valencians vos donem l'enhorabona per eixa manifstació reclamant els dret a la llengua occitana a l'escola i a tots els àmbits de la vida.
ací també tinguem que lluitar fort per defendre la nostra llengua valenciana, ANEM OC, ANEM CATALÀ, ANEM VALENCIÀ, ANEM, ANEM ANEM ...

  • 6
  • 0
Lafontan
6.

#2 Cal pas sortir las paraulas de lor contexte, es pas onèste ! L'allusion a la CGT e als vinhairons èra en referéncia a la non possibilitat de cambiar lo percors amb un risque d'afrontament amb la policia, çò qu'èra pas possible coma o dison amb una manifestacion familiala amb plan d'enfants de pertot. Empachèt pas d'unes coma jo (un centenat amb de musicians e de banderòlas ) de partir per las carrièras piètonas cap a la prefectura e al rectorat !

  • 8
  • 0
Felip Martèl Montpelhier
5.

Ren qu'una remarca sus l'itinerari : amb los trabalhs suu tranvai que se menan aüra en vila, es evident que lo percors emblematic de las manifs montpehlierencas (Peiron-Comedie, o Ribas de Les-Peiron en passant long de l'"ecusson" èra pas practicable. L'itinerari qu'es estat segut, se capisso ben, es en fach lo de totas las manifestacions despuèi un brieu ; n'i a finda que passan long d'Antigone, non pas qu'qqui sembla qu'a passat, a travès Antigone, ço qu'es jà meilhs, ni per estre aps trop poblat. Aquo dich es aqui qu'a passat la manif de l'onze de janvier. Tot aquo se povia preveire, e seria benlèu estat una rason de mai per pas far la manif a Montpelhier... Amb aquo, es qu'es vertadierament lo problèma màger pausat per lo 24/10 ?

  • 7
  • 0
Jauret Guy Berry
4.

"la lucha acarnissada d’una partida del movement occitan per la malparada de la manifestacion”."

An pas crenta d'exagerar los tipes.

Res d'acarnassit dins las criticas que legiguèri per ma part, puslèu de decepcion, al contrari de la manifestacion d'Arle (mas benlèu meton los pseudoprovençalistas d'Arle dins lo moviment occitan ?) que sa crida èra tot simplament : "Ni pacaiens, ni occitans !".

L'anecdòta sus la chifra de la polícia es estranha. Se compreni plan, devem pas creire la polícia quora ditz que l'aguèt 6 000 personas, mas devem creire la polícia quora ditz a cèrtas personas de l'organizacion (sènsa cap de pròvas de mai que sa paraula) que l'aguèt 15 000 personas, es aquò ?

Donc devem a l'encòp creire e pas creire la polícia ?... Kafkaian, tot aquò...

Tant melhor s'es estada una bèla capitada per d'unes, vòl plan dire qu'aqueles que faguèron de criticas èran pas tant acarnassits qu'aquò (e doncas, fasiá pas mestièr de far un comunicat per ensajar d'aparar son bilanç, rai ?).

Cal melhor ara passar a la seguida totes amassa e arrestar de se carpinhar lo fetge sus aquela manifestacion.

  • 15
  • 5
Tristan Gahús Sarlamaleicom
3.

Coma se podia preveire, lo "Collectiu" Anem Òc fa un compte-rendut de manif ont rejetan los mancaments d'aquesta manif sus l'administracion francesa, se trufan dels sindicalistas e dels manifestants ordinaris que, eles, quand se baton es per pas crebar de fam, bòtan al pilori los que critiquèron la manif, que deuràn evidentament viure amb aquela pesuga responsabilitat, mas sens, subretot, eles jamais se tornar botar en question, justifican la recuperacion politica que foguèt facha...

Es mal escrich, de marrida fe, defugis la realitat, sens jamai, encara un còp, respondre a una sola de las questions que foguèron pausadas de longa sus l'organizacion. Collectiu d'estrucis amb lo qual es mai qu'urgent d'acabar.

Que dire de mai ? Ah, si :

"L'administrateur du blog n'a pas permis les commentaires."

  • 17
  • 12

Escriu un comentari sus aqueste article