Actualitats
Org & Com organizarà pas pus l’Estivada de Rodés
La comuna de Rodés, proprietària del nom “Estivada” pren en carga l’organizacion del festenal
Tèxte legit
L’associacion Org & Com, basada a Tolosa, a mandat als mèdias un comunicat per dire que cèssa d’organizar lo festenal interregional de las culturas occitanas de Rodés. Es aital que se fa oficial que la comuna de Rodés se carga dirèctament d’organizar aquel festenal.
“Coma professionals, foguèrem aüroses de portar la nòstra contribucion pendent 10 ans al succès d’aquela polida iniciativa e al raionament del festenal, de sa vila e de la cultura occitana”, çò escriu lo president d’Org & Com. E apond: “coma ciutadans e occitanistas, esperam que la comuna contunharà aquela accion, que respondrà a l’espèra immensa d’aqueles diferents publics, que servarà la volontat d’atirar de populacions pluralas e de far descobrir d’artistas novèls al public mai larg dins un recampament encara festiu.”
Los responsables d’Org & Com rescontrèron lo primièr cònsol de Rodés en agost passat per far un ponch sus la situacion après la partença del director Patric Roux. “Aviam una ambicion d’organizar lo festenal, esperam que la comuna contunharà d’ensajar de la satisfar”, çò a dich a La Setmana lo director Francis Blot. Ara per ara, l’associacion se consagra a sas missions d’acompanhament artistic e mai a l’elaboracion e al sosten de projèctes culturals.
“Pòdi pas respondre a aquesta question e pòdi pas dire perqué”
Lo director de l’Estivada de Rodés, Patric Roux, aviá anonciat lo 25 de julhet passat, durant la darrièra edicion del festenal dins una conferéncia de premsa que, “per de rasons personalas”, ongan èra la darrièra Estivada qu’el dirigissiá. Ça que la, Roux exprimiguèt sa totala fisança a la còla del festenal e a manifestat que quitament s’èra malaut o s’aviá agut un accident, l’Estivada se seriá debanada gràcias a aquela còla. “Çò garentit es que l’an que ven, lo Festenal Interregional de las Culturas Occitanas se debanarà”. Pasmens, bòrd que lo nom “Estivada” es proprietat de la comuna de Rodés, a aquel moment diguèt que sabiá pas ont se debanariá aquel festenal nocèl e que se sabiá pas nimai cossí se nomenariá.
Roux remarquèt que lo festenal qu’el a dirigit dempuèi 2008 recep la participacion de totas las regions d’Occitània, quitament de la Val d’Aran e de la region de de Peitau-Charantas qu’a un territòri occitanofòn. Per el, “la vila qu’aculhís lo Festenal Interregional de las Culturas Occitanas o deu far amb fiertat e lo deu acompanhar. S’o fa pas, merita pas d’aver aquel festenal”.
Es lo cas de Rodés? “Pòdi pas respondre a aquesta question e pòdi pas dire perqué”, çò aviá respondut un còp de mai.
“Coma professionals, foguèrem aüroses de portar la nòstra contribucion pendent 10 ans al succès d’aquela polida iniciativa e al raionament del festenal, de sa vila e de la cultura occitana”, çò escriu lo president d’Org & Com. E apond: “coma ciutadans e occitanistas, esperam que la comuna contunharà aquela accion, que respondrà a l’espèra immensa d’aqueles diferents publics, que servarà la volontat d’atirar de populacions pluralas e de far descobrir d’artistas novèls al public mai larg dins un recampament encara festiu.”
Los responsables d’Org & Com rescontrèron lo primièr cònsol de Rodés en agost passat per far un ponch sus la situacion après la partença del director Patric Roux. “Aviam una ambicion d’organizar lo festenal, esperam que la comuna contunharà d’ensajar de la satisfar”, çò a dich a La Setmana lo director Francis Blot. Ara per ara, l’associacion se consagra a sas missions d’acompanhament artistic e mai a l’elaboracion e al sosten de projèctes culturals.
“Pòdi pas respondre a aquesta question e pòdi pas dire perqué”
Lo director de l’Estivada de Rodés, Patric Roux, aviá anonciat lo 25 de julhet passat, durant la darrièra edicion del festenal dins una conferéncia de premsa que, “per de rasons personalas”, ongan èra la darrièra Estivada qu’el dirigissiá. Ça que la, Roux exprimiguèt sa totala fisança a la còla del festenal e a manifestat que quitament s’èra malaut o s’aviá agut un accident, l’Estivada se seriá debanada gràcias a aquela còla. “Çò garentit es que l’an que ven, lo Festenal Interregional de las Culturas Occitanas se debanarà”. Pasmens, bòrd que lo nom “Estivada” es proprietat de la comuna de Rodés, a aquel moment diguèt que sabiá pas ont se debanariá aquel festenal nocèl e que se sabiá pas nimai cossí se nomenariá.
Roux remarquèt que lo festenal qu’el a dirigit dempuèi 2008 recep la participacion de totas las regions d’Occitània, quitament de la Val d’Aran e de la region de de Peitau-Charantas qu’a un territòri occitanofòn. Per el, “la vila qu’aculhís lo Festenal Interregional de las Culturas Occitanas o deu far amb fiertat e lo deu acompanhar. S’o fa pas, merita pas d’aver aquel festenal”.
Es lo cas de Rodés? “Pòdi pas respondre a aquesta question e pòdi pas dire perqué”, çò aviá respondut un còp de mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Patric Ros o cossí daissar un festenal dins la mèrda ... Que serà l'Estivada d'ara enlà ?
Lo PS, amb lo PRG al cuol, practica fòrça l'omertà sus aqueste sicut. Que tòrnen los Censi a Rodés!
Roux remarquèt que lo festenal qu’el a dirigit dempuèi 2008 recep la participacion de totas las regions d’Occitània, quitament de la Val d’Aran e de la region de de Peitau-Charantas qu’a un territòri occitanofòn. Per el, “la vila qu’aculhís lo Festenal Interregional de las Culturas Occitanas o deu far amb fiertat e lo deu acompanhar. S’o fa pas, merita pas d’aver aquel festenal”. Es lo cas de Rodés? “Pòdi pas respondre a aquesta question e pòdi pas dire perqué”, çò aviá respondut un còp de mai… coma un perfum d'omerta, de lei de silenci, e d'afars trebols que pòdon enflambar l'inaginacion d'unes escrivans, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari