CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Diluns, 16 de novembre de 2015, 03h00 Societat,Politica,Internacional

An descobèrt una fòssa amb almens 76 cadavres de femnas iaziditas assassinadas

L’Estat Islamic “solament vòl las joventas coma esclavas. E donc l’organizacion terrorista tua totas las autras”


Comentaris 6 comentaris    
Marrit Flac Bon Plan bon Fabulós (2 vòtes)
carregant En cargar


Los milicians curds an trobat en Sinjar una fòssa amb almens 76 cadavres de femnas iaziditas assassinadas arunan per l’Estat Islamic, segon çò qu’a raportat aqueste dimenge lo governador de la region, Mahma Xelil. La fòssa trobada dissabte conten los còrses de femnas d’entre 35 e 80 ans, abilhadas amb lo vestit tradicional iazidita.
 
Foguèron assassinadas lo 16 d’agost de 2014, tres jorns après que los milicians de l’Estat Islamic (EI) prenguèsson lo contraròtle de Sinjar, dins un acte que Xelil qualifica de “crime brutal contra l’umanitat”.
 
L’endrech es estat descobèrt sus la basa de las indicacions de femnas iaziditas que serián estat testimònis de las execucions. En aquela epòca èran d’esclavas dels combatents de l’EI.
 
Lo membre del conselh local de Sinjar, Yasser Hajj, expliquèt a l’AFP que l’EI “solament vòl las joventas coma esclavas. E donc l’organizacion terrorista tua totas las autras”.
 
Segon l’ÒNU, la campanha de l’EI contra los iaziditas es un possible genocidi. Un rapòrt d’Amnestia Internacionala denóncia de torturas contra de femnas e de dròllas en mans de l’EI.

 
 



 
 
 
Los iaziditas
 
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
 
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
 
La montanha de Sinjar es un dels luòcs sagrats dels iaziditas: s’i atròban d’importants santuaris. En defòra de Sinjar, s’atròban de comunautats iaziditas en d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
 
 
Lo 73n ensag de genocidi del pòble iazidita
 
En agost de 2014 publiquèrem una nòva de Jordi Llaonart amb un vidèo que resumís en doas minutas çò que se passa al nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demanda ajuda desesperadament als sieus collègas arabis. La deputada explica qu’en Iraq i a un pòble qu’agoniza en mans de l’Estat Islamic e que sap pas çò que deu far per que lo Mond o qualqu’un los ajude. Los politicians encargats de prene las decisions, e que l’escotan, espèran que la dòna destorbaira termine son discors e que los daisse en patz.
 
Dakhil explica als deputats çò que se passa ara meteis a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentís la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas an fugit cap a las montanhas e an quitament pas d’aiga. De fach, 70 enfants son ja mòrts desidratats… 50 vièlhs… “Assassinan lo mieu pòble!”. Ditz que s’es passada la meteissa causa amb los iraquians shiitas, sunnitas, crestians, turcmèns e shabaks.
 
Mentre que la femna se fond de dolor, lo president del parlament li demanda que se limite a la declaracion acordada. E quand ela acaba lo sieu torn, pas res. Lo president de la cambra dona la paraula a la persona seguenta qu’esperava son torn. E tèma barrat e desmembrat.
 
Ça que la, qu’esperava de capitar aquela femna en s’adreiçant als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?



publicitat
BANER1-2-3: DGPL TRADUCTOR



Comentaris

16 de novembre 23.17h

Ambé queus comentaris que fan venir lo vomit, ne'n obledariam lo mai important:
na pensada sincèra per totas quelas femna iasiditas...


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

16 de novembre 23.08h

#4 Sei pas islamofil... mas sei pas islamofòb! E vene pas aqui per legir de las chausas que se podon legir dins lo jornau dau FN! Qu'es tot, pas mai!


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

16 de novembre 19.46h

E ben, sèm tranquilles amb totes aqueles islamofils! Me'n chauti. Abans que siaga obligat de veire la femna anar coma una ombra negra per carrièra las dents me faràn pas pus mal. Amb tanta compreneson per los que vòlon pas res comprene, planhi los que vendràn après... A, la tolerància asimetrica!


Valoriza aqueste comentari:   votar positiu 1   votar negatiu 10
Respondre comentari replica Comentari inadeqüat   Formulari d'abús de comentari

16 de novembre 19.10h

#1 N'es de l'Alcoran coma dels autres tèxtes, sabes plan Sèrgi. La Bíblia foguèt plan mai utilizada mentre que lo paure Jèsus proclamèsse « ton propdanh, l'aimaràs tant coma tu meties ». E « Lo Capital » ?
Ara cresi que puslèu que de cridar l'anatèma sus aqueles paures musulmans (que la màger part son pas de tuaires pusque ensajan de lor escapar en venent en çò nòstre!) val mai ensajar de comprendre. Lo tèxte sens contèxte val pas res ; es pas ieu qu'o ditz, es Rachid B... Legir mai


Valoriza aqueste comentari:   votar positiu 10   votar negatiu 2
Respondre comentari replica Comentari inadeqüat   Formulari d'abús de comentari

16 de novembre 18.32h

#1 Ah... Quò m'auriá estonat... Un còp mai Mossur Viaule que vèn escupír sobre la religion musulmana... Paure òme!


Valoriza aqueste comentari:   votar positiu 8   votar negatiu 5
Respondre comentari replica Comentari inadeqüat   Formulari d'abús de comentari

16 de novembre 08.30h

Se totas las religions son mai o mens tolerentas, l'islam es consubtencialament intolerent. Encara qualques versets del coran (cal anar a la sorga de la barbaria): Sorata II, verset 59 (Per un còp pensavem téner aquí un verset que convidesse a la toleréncia, almens pels monoteistas, los politeistas demorant vodats als fuòcs de l’infèrn. Mas ma regaudida es estada bravament mocada quand ai legit en debàs de pagina la nòta del tradu... Legir mai


Valoriza aqueste comentari:   votar positiu 5   votar negatiu 19
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 14
  • sol Aush 14
  • sol Bordèu 14
  • sol Briançon 10
  • sol Caors 13
  • sol Carcassona 15
  • sol Clarmont-Ferrand 11
  • sol Confolent 10
  • sol Gap 7
  • sol La Canau 15
  • sol La Gàrdia 21
  • sol Limòtges 12
  • sol Lo Borg Sant Dalmatz 15
  • sol Lo Puèi de Velai 10
  • sol Marselha 16
  • sol Montpelhièr 16
  • sol Naut Aran 12
  • sol Niça 18
  • sol Nimes 16
  • sol Pau 14
  • sol Peireguers 13
  • sol Rodés 14
  • sol Tolon 15
  • sol Tolosa 14
  • sol Valença 11

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Coserans al còr

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Zep Armentano

    25au Corsa Aran per sa Lengua

  • © Laurenç Revèst

    Fòrt Maginòt de Sant Anhe

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Tèrra albigesa

  • © Zep Armentano

    XI prèmis Gaudí de l'Acadèmia Catalana del Cinèma

  • © Xavi Gutiérrez Riu

    Rodés

  • © Zep Armentano

    Era Mongetada (Val d'Aran 28-29 d'octobre 2017)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Per quala dança eterna se son calhadas lei rondas menudas?

    Meissonencas en Camarga pichòta

  • © Franc Bardòu

    Tèrra albigesa

  • © Xavi Gutiérrez Riu

    Tarba

  • Estivada 2013. © Guillem Sevilla

    Estivada 2013

  • © Xavi Gutiérrez Riu

    Baish Ador

  • © Laurenç Revèst

    Fòrt Maginòt de Sant Anhe

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)