Bandièra01 1180x150: Comuna de Tolosa

Actualitats

Lo Front Nacional reüssís mens ont l’identitat regionala es fòrta e los partits autonomistas tanben

La lista Mond Novèl, qu’a lo sosten del PÒC, es la quatrena en Lengadòc-Rosselhon-Miègjorn-Pirenèus e se prepara per combatre l’FN al segond torn

| Femu a Corsica
Après l’espantament inicial de la victòria del Front Nacional (FN) a las eleccions regionalas de l’estat francés, una analisi concreta dels resultats permet de veire una tendéncia, pas brica mespresabla. Dins los territòris ont i a una fòrta identitat nacionala (o regionala segon d’unes), es aquí que l’FN a fach un resultat modèst. E dins los endreches ont los partits autonomistas, regionalistas o nacionalistas se son organizats, l’FN a trobat un obstacle.
 
S’agacham los resultats de Corsega e de Bretanha aquò es una evidéncia. Dins los dos païses i a una fòrta identitat nacionala e los partits autonomistas se son plan organizats e implantats. En Corsega l’FN obgtenguèt lo 10% dels vòtes e en Bretanha lo 18%, de chifras fòrça modèstas comparadas amb lo resultat global del partit de Marine Le Pen. S’analisam lo resultat electoral en Occitània podèm percerbre tanben aquela realitat. Provença, un territòri nacionalament alienat e ont l’identitat regionala es marginala e devesida, l’FN a obtengut un resultat espectaclós. Per contra, dins la nòva macroregion nascuda de la fusion de Lengadòc-Rosselhon amb Miègjorn-Pirenèus, trobam que la lista Mond Novèl de Gérard Onesta, qu’a lo sosten del Partit Occitan, a obtengut lo 10% dels vòtes e que l’FN, e mai se ganha, o fa amb 10 ponches de mens qu’en Provença. Es pas un azard.
 
Per contra, un cas ont aquel fach s’es percebut mai clarament dins un sens negatiu es Catalonha Nòrd, ont los partits catalanistas, ja istoricament atomizats e devesits malgrat la fòrta identitat catalana, son estats absents de la campanha. E es justament dins aquel territòri que l’FN a obtengut un de sos melhors resultats.
 
 
Las 110 comunas amb cap de vòte per l’FN
 
France Info ven de publicar una mapa amb las 110 comunas de l’estat francés ont lo partit xenofòb de la familha Le Pen a pas obtengut cap de vòte. Aquelas vilas son concentradas sustot en Corsega e Occitània, mai que mai en Bigòrra, en Bas Lengadòc e dins los Alps. 
 

Las inegalitats e lo vòte per l’FN
 
De son costat, France Culture prepausèt en març passat una analisi del demograf Hervé Le Bras. Aquel demograf a establit de mapas que mòstran lo ligam entre lo vòte ultradrechista e las inegalitats. 







La Setmana: Mieidia-Pirenèus / Lengadòc-Rosselhon : un acòrd concludit enter Onesta e Delga peu dusau torn de las regionaus

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Fotre
23.

#22 Qu'ètz xèno-lengofòb ?

  • 4
  • 3
Saim Inayatullah Poznań
22.

#21 Sas díser una sola frasa sens de mots pretencioses en anglés o castelhan? Soi pas occitan e coneissi la paraula "fons", e tu?

  • 5
  • 16
Fotre
21.

Madre de Dios ! Amb d'analisis aital, solide qu'anarem lonh, oposicion arbitraria sentiment nacional vs sentiment regional (amb l'ideologia linguistica in the background), identitats fortas que te fariaun baissar lo vot FN, l'aviai pas ausida aquela, qualque sociolog se deu torcer d'arrider. Los identitaris, que cresetz que voten ? NPA benlèu ?

  • 17
  • 21
Gerard Joan Barceló Pèiralata
20.

#19 Per ieu, se tracta pas solament de la vitalitat dei movements politics mai tanben de la natura dei sentiments identitaris. Lei sentiments basco e còrso se vòlon nacionaus, lei sentiments provençau e nòrd-catalan regionaus.

  • 14
  • 14
Matieu Castel Marselha
19.

#16 Siáu pas en plen acòrd amb l'article. Per exemple, me sembla pas qu'en Provença l'identitat regionala es marginala e devesida (parli pas de la lenga mai ben de l'identitat).

Au contrari, lo sentiment "provençau" (ò niçart) es sènsa parier amb lo sentiment occitan ò lengadocian de l'autra man de Ròse e ben mai revendicat, tant popularament que politicament ò economicament.

Pasmens, me sembla qu'au País Basco lo FN fa pas de gròssei chifras tanpauc. Es evident que l'a un ligame de veire ò de cercar aquí dedins. Pas dins la vitalitat de l'identitat - en Provença ò Alsàcia es pron viva (e la lenga tanben, per Alsàcia) - mai dins la vitalitat dei moviments politics tocant aquestei minoritats.

  • 6
  • 16

Escriu un comentari sus aqueste article