Bandièra01 1180x150: Comuna de Tolosa

Actualitats

Los Eagles of Death Metal an tornat jogar a París un mes après los atacs

Los del grop californian an sonat a la fin d’un concèrt de U2, qu’a volgut partejar l’empont parisenc amb eles

La banda estatsunidenca Eagles Of Death Metal (EODM) es tornada sus scèna a París, tres setmanas après lo sagnós atac armat dins la sala de concèrts Le Bataclan, lo 13 de novembre, ont jogavan al moment dels faches. Son reapareguts a l’Accor Hotel Arena de la capitala francesa, a la fin d’un concèrt de U2. “Totjorn mai restaràn restacats a París. Fa qualques setmanas que lor panèron la scèna e uèi lor volèm prestar la nòstra”: amb aquela frasa lo cap de U2, Bono, lor donava la benvenguda sus l’empont.
 
Las doas bandas interpretèron amassa People have the power, una cançon de Patti Smith qu’amb los ans es venguda un simbòl de resisténcia. Puèi lo cantaire dels EODM, Jesse Hughes, abilhat entièrament de blanc e brandant una bandièra francesa, cantèt “I will never stop rock’n’rolling!”
 
Vaquí lo vidèo.
 

 
 
 
E après lo concèrt los EODM an publicat doas fòtos sus Twitter per remembrar lo moment.
 
 

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Thomàs Tolosa
1.

... malgrat l'atemptat mancat del nòstre Savonaròle que coma los jihadistas voliá far la calar la musica ròck per la remplaçar per una serada de nadalets. Coma lo cantaire de EODM montèt sus l'empont e cridèt "Jamai arrestarai de mos nadalets", mas degun dins la sala compreguèt son provencau tremolant. Foguèt mestrejat aisidament per la còla de U2 amb un còp de pè pel cuòl e se retrobèt amb la burra darrèr las aurelhas, dins los braces peluts d'un afogat de metal espatlut. La serada foguèt pas perduda per el ça que la, pr'amor que lo nòstre savonaròle coneguèt aital una autra forma d'amor, diferenta del sol amor de Dieu. Vaquí pel nòstre reportatge. A vos Cognacq-jay".

  • 4
  • 0

Escriu un comentari sus aqueste article