CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Divendres, 11 de decembre de 2015, 03h00 Societat,Politica,Environament

Lengadòc > Albigés > Galhaqués

Reüssida del vòte ecologista dins la region de Sivens

La zòna qu’a viscut una lucha emblematica contra la construccion d’una restanca es plan conscientizada amb l’environament segon los resultats electorals


Comentaris 12 comentaris    
Marrit Flac Bon Plan bon Fabulós (8 vòtes)
carregant En cargar


Lo vòte ecologista a pojat considerablament a l’entorn del bòsc de Sivens, en Galhaqués, ont la lista Mond Novèl, amb Gérard Onesta en cap e amb lo sosten del Partit Occitan, a obtengut sos resultats mai nauts dins lo primièr torn de las eleccions regionalas, segon çò que publica La Dépêche.
 
A l’Illa, la comuna ont se deviá bastir lo barratge, la lista Mond Novèl a obtengut l’11,64% dels vòtes e, çò mai remarcable es encara, dins lo canton nomenat Vinhals e Bastidas la formacion occitanista e ecologista a atench lo 13,43%. A Castelnòu son còsta a còsta amb los socialistas amb un 15,87%, a Puègcèlsi an atench lo 18,75% e a Salvanhac an agut lo 17,41% dels vòtes just talonant la drecha d’LR. A Rabastens an obtengut lo 12,78% e al quite Galhac an obtengut l’11,73% amb lo sosten del Front d’Esquèrra.
 
En aquela zòna de Galhaqués, dempuèi novembre de 2013, un grop d’activistas an menat una lucha longa e dura contra lo projècte d’un barratge que prevesiá de negar 35 ectaras dins la zòna umida del Testet.
 
 
Una lucha ecologista, un activista mòrt
 
Cal remembrar que la lucha per preservar la valor ecologica del Testet a provocat un mòrt del costat dels ecologistas, lo jove tolosan Rémi Fraisse, que moriguèt la nuèch del 26 al 27 d’octòbre a causa d’una granada lançada pels gendarmas.
 
Per ara, poiriam dire que la lucha que los zadistas an menat dempuèi novembre de 2014 a ben capitat. Lo conselh general de Tarn a decidit de far pas la restanca prevista. Ara prepausa de far una restanca mai pichona.
 
 
Crisi dins l’estat francés
 
De fach, la mòrt de Rémi Fraisse a portat la crisi al govèrn francés. Las nombrosas susmautas que se son debanadas per tot l’estat francés, en seguida de la mòrt de l’estudiant de botanica, crèan un grand desaise dintre lo poder politic.
 
Lo govèrn francés a ensajat de reglar la mòrt del jove tolosan en enebissent l’usatge de las granadas e en suspendent los trabalhs del barratge, e atanben en ensajant de criminalizar los ecologistas en lucha. Mas un larg sector de la societat, los movements ecologistas e los partits d’esquèrra, an demandat la demission del ministre de l’interior, Bernard Cazeneuve, que se limitèt a prometre “de sancions se de fautas se son comesas”.
 
Fraisse foguèt tuat dins l’encastre de la repression d’una protèsta populara e pacifica contra la construccion d’una restanca dins la zòna umida del Testet, a Sivens (Galhaqués).
 
 
La justícia relaxèt los activistas jutjats
 
En setempre passat la justícia relaxèt los activistas que luchèron contra la Restanca de Sivens. Lo tribunal correccional d’Albi relaxèt la quasi-totalitat de las quinze personas que compareguèron per “participacion a un atropament” sus la ZAD del Testet (Galhaqués), çò rapòrta Reporterre. Èran acusats d’aver opausat una resisténcia durant l’evacuacion del 6 de març passat.
 
 
Lo projècte
 
La restanca prevista, d’un milion e mièg de mètres cubes d’aiga, deviá negar una partida de la Val de Tescon, en tot far desaparéisser 13 ectaras de zòna umida e un milion d’animals salvatges (de granhòtas, de peisses o de salamandras). Lo conselh general de Tarn citava lo Ministèri francés de l’Environament, segon lo qual la restanca auriá de vertuts ecologicas, cercant un “equilibri idrologic” de la zòna. Los ecologistas o cresián pas, s’opausavan al projècte e denonciavan qu’èra finançat per de fonzes publics per favorir solament d’interèsses privats. Revendicavan la preservacion de totas las 35 ectaras de zòna umida menaçadas per la restanca. Denonciavan que la tòca del projècte èra de favorizar l’agricultura intensiva e que, per tant, es un perilh per un centenat d’espècias “protegidas” dont cinc son ja declaradas menaçadas.
 
Segon lo conselh general de Tarn, la restanca es indispensabla per irrigar las tèrras agricòlas e se recrearà una autra zòna umida. Los opausants denóncian un projècte car que solament servirà a irrigar las tèrras d’un petit nombre d’esplechaires que practican l’agricultura intensiva.
 
L’occitanisme s’es mostrat majoritàriament contra la construccion de la restanca, levat lo Partit de la Nacion Occitana (PNO) e l’associacion lo Clusèl (que manifestèt en favor de la restanca).



publicitat
BANER1-2-3: DGPL TRADUCTOR



Comentaris

13 de decembre 18.20h

Que mauparada! aqueli garrolhas que ne finísson pas. Pietadós imatge que nos balha l'occitanisme. Pensatz qu'un jorn tot aqueu monde parlarà d'una soleta votz ? Mi ven a mau de lo creire presentament. Tantotun sieu de tot en tot d'acòrdi embe Raimon : aquelu rompebalas de parlaponchuts avían ren de faire en aquela istòria.
Viva !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

13 de decembre 14.28h

#9 D'un ponch de vista occitanista, e en particular, d'un ponch de vista patriotic o nacionalista occitan, la posicion la mès coerenta es de sostenir la populacion autoctòna locala victima de las exactions de zadistas venguts plan sovent deu nòrd de Leira, nos cau defénder nòstre país còntra lo vandalisma de Franchimands venguts assabentar los païsanàs que sèm de çò qu'ei bon per nosautres. MDR que sia monde de Provença que nos explican qui a rason dins l'istòria, au lòc que ieu ... Legir mai


Valoriza aqueste comentari:   votar positiu 6   votar negatiu 3
Respondre comentari replica Comentari inadeqüat   Formulari d'abús de comentari

13 de decembre 14.17h

#9 non es lo mond que fan viure l'economia del pais e permeton d'idemorar que cal sostener


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

13 de decembre 12.47h

#8 D'un ponch de vista occitanista, e en particular, d'un ponch de vista patriotic o nacionalista occitan, la sola posicion coerenta es de sostenir lei zadistas e de venerar la memòria Remèsi Fraisse car defendon un tròç de nòstre país còntra la destruccion.


Valoriza aqueste comentari:   votar positiu 3   votar negatiu 9
Respondre comentari replica Comentari inadeqüat   Formulari d'abús de comentari

13 de decembre 12.00h

#4 los zadistas podon èstre plan intencionats e pacifics mas tanben d'agitators professionals de cops violents


Valoriza aqueste comentari:   votar positiu 8   votar negatiu 3
Respondre comentari replica Comentari inadeqüat   Formulari d'abús de comentari

13 de decembre 07.52h

#4 Aquel mond s'entrèva pas que sens los zadistas ja seriam mòrts. Quant a la mòrt de Remi Fraisse, tre la debuta s'es vist que se'n foton. Enfin, dire que i pas que los de la comuna que sabon çò que cal far... es aital qu'a Bure, sens la ret per sortir del nucleari, que probable son pas totes de la comuna, acabaràn amb la mèrda radiactiva de las centralas simplament perque lo lòbi nuclear a promés de finaçar lo gimnase e la piscina del vilatge.


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

12 de decembre 10.24h

Las chifras menadas per raimon mostran plan çò que pensavi, e çò que disiá Sèrgi Viaule : l'article es pas gaire seriós.
Cal plan dire que la màger part de las personas que participèron al « combat » (dins lo sens general) de Sivens èran pas de la comuna.
Çò que m'interessa mai (e ne soi pas content) es de veire encara un còp de chifras que mostran que la lista Onesta a fracassat. Èra menada per una personalitat coneguda e apreciada al nivèl regional, apevada sus de partits ... Legir mai


Valoriza aqueste comentari:   votar positiu 9   votar negatiu 4
Respondre comentari replica Comentari inadeqüat   Formulari d'abús de comentari

11 de decembre 23.08h

#4 fin finala, lo combat contra Sivens èra legitima. Calèva pas qu'un òme estosse mòrt per arren, doncas, forçalament...


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

11 de decembre 19.40h

#3

"Los arganhòls de zadistas"??!!!

Un pauc de respècte per la memòria de Rémi Fraisse, assassinat per l'estat francés per defendre la tèrra.
UN PAUC DE RESPÈCTE SIOPLÈT!


Valoriza aqueste comentari:   votar positiu 11   votar negatiu 9
Respondre comentari replica Comentari inadeqüat   Formulari d'abús de comentari

11 de decembre 18.47h

Rabastens, Eleccions regionalas 2010, Onesta : 17,54%
Rabastens, Eleccions regionalas 2015, Onesta + FdG : 12,78%

L'isla-sus-Tarn, Eleccions regionalas 2010, Onesta : 12,83%
L'isla-sus-Tarn, Eleccions regionalas 2015, Onesta + FdG : 11,64%

Quina tristessa, "Jornalet" que's contenta de's far lo pòrta-votz de la propaganda de "La Dépêche" que totòm sap qu'es lo jornal deu PRG, auèi aligat au PS, au FdG e a EELV (Onesta).


Es exactament lo contrari ! lo vòte ecologist a baissat dins Tarn... Legir mai


Valoriza aqueste comentari:   votar positiu 8   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 14
  • sol Aush 15
  • sol Bordèu 14
  • sol Briançon 12
  • sol Caors 13
  • sol Carcassona 16
  • sol Clarmont-Ferrand 11
  • sol Confolent 17
  • sol Gap 11
  • sol La Canau 14
  • sol La Gàrdia 13
  • sol Limòtges 13
  • sol Lo Borg Sant Dalmatz 15
  • sol Lo Puèi de Velai 18
  • sol Marselha 20
  • sol Montpelhièr 20
  • sol Naut Aran 13
  • sol Niça 17
  • sol Nimes 20
  • sol Pau 15
  • sol Peireguers 13
  • sol Rodés 14
  • sol Tolon 13
  • sol Tolosa 16
  • sol Valença 16

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © CD

    Escòla Calandreta dau Mas. Drap (País Niçard)

  • © Laurenç Revèst

    Mónegue

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Franc Bardòu

    Catalonha etèrna

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Omenatge a Aragon. © Franc Bardòu

    Omenatge a Aragon

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Economia occitana: fromais, lenga occitana e país d'Òc

  • © Remèsi Firmin

    L'occitan per carrièras (concors de prima 2014)

  • Bersorèlh : quartiers e maions ai noms occitans

  • © Franc Bardòu

    Asuèlhs de Lauragués

  • Citacion de Mistral (Mirèlha). © Laurenç Revèst

    Remembres de Vaquí, emission en la Vau Clusa, novembre de 2005

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Montgarri. © Xavi Gutiérrez Riu

    Corsa Aran per sa Lengua 2014

  • Lo bauc. © Laurenç Revèst

    Remembres de Vaquí, emission en la Vau Clusa, novembre de 2005

  • Julien Cazenave

    17.02.2019: manifestacion a Brussèlas en sosten als independentistas catalans

  • © Margaria Pepin

    Adobament dal Grand Prèmi de Mónegue de 2014

  • © Franc Bardòu

    Catalonha etèrna

  • © Josep Carpintero

    Presentacion dera ANC Val d'Aran en Vielha, 28/12/2013

  • © Laurenç Revèst

    Menton, 'a vivaroalpenca maritima

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


0%



0%



100%



0%




Vots 1 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)