Bandièra01 1180x150: Comuna de Tolosa

Actualitats

Martinica: lo trionf de l’independentisme que vòl pas cambiar l’statu quo (per ara)

| Candidature Gran Samblé

Alfred Marie-Jeanne a ganhat las eleccions en una aliança inedita amb LR. Los independentistas s’engatjan a “respectar l’encastre estatutari” de l’illa caribenca.


Una de las novetats mai remarcablas de las eleccions regionalas e territorialas francesas de dimenge passat es la victòria, en Martinica, del candidat independentista Alfred Marie-Jeanne. Lo cap del Movement Independentista Martiniqués (MIM) se presentava en una coalicion inedita amb Yan Monplaisir, candidat d’LR (centredrecha francés). L’objectiu comun: véncer lo president sortent, Serge Letchimy, e implementar un plan “d’urgéncia” davant la “gravitat de la situacion dins lo país”.
 
Lo pache a butat la lista Marie-Jeanne-Monplaisir a acomolar lo 54% dels vòtes e 33 sètis sus los 51 de l’Assemblada de Martinica. Letchimy, que dirigissiá la lista dels autonomistas martiniqueses, a atench lo 46% dels vòtes e 18 sètis.
 
Segon un estudi de l’Institut Montanha e Le Monde, Martinica a una taxa de caumatge del 19% —superiora a la França europèa mas inferiora a la d’autres territòris d’otramar— e una economia fragilizada a causa de la crisi economica e sociala que se i fa sentir amb fòrça dempuèi 2009. Ça que la, lo meteis rapòrt senhala que dempuèi 2014, divèrses indicadors an començat de se melhorar.
 
Dins l’acòrdi entre Marie-Jeanne e Monplaisir, los dos candidats dison que cal implementar un “nòu modèl economic” e practicar un “redreiçament economic e social” dins l’illa, e tanben “tornar a una gestion sana e equilibrada de las finanças publicas”.
 
La candidatura dirigida per l’independentista s’es engatjada a “respectar l’encastre estatutari” de Martinica. Es a dire que pendent la legislatura 2015-2021, los independentistas cercaràn pas la secession: puèi, òm veirà. Per contra, la candidatura de Marie-Jeanne ensajarà de desvolopar las potencialitats de la nòva entitat de govèrn martiniquesa. Efectivament, a partir de genièr, Martinica dispausarà d’una collectivitat unica qu’amassarà las competéncias qu’avián fins ara lo conselh regional e lo conselh general (departamental).
 
Serà lo segond còp que Marie-Jeanne, de 79 ans, dirigirà Martinica. Lo cap independentista presidiguèt lo conselh regional entre 1998 e 2010 abans d’èsser vencut per Letchimy.
 
 
 
 

Aqueste article es adaptat de Nationalia amb qui Jornalet a un acòrdi de cooperacion.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igulada (PP.CC.)
8.

Gaui! Anem guanyant a tot arreu, canya contra...
Fel.licitats al de la Martinica, ara a aprofitar-ho.
Salutacions de:
L'Ernest, "El Tàrrega".

  • 0
  • 0
Aurélien
7.

#4

Les martiniquais voient tout cela. Ils voient aussi le coup de la vie sur leur île où le simple fait de manger coute 1,5 fois plus cher qu'en métropole, les produits frelatés (plus sucrés/gras/salés) avec des peremptions allongées que leur vendent des entreprises qui défendent leur quasi monopole en discutant avec les parlementaires.

Il voient aussi la fuite des travailleurs qualifiés vers la métropole, l'octroi de mer, les relations marchandes forcées avec la métropole plutot qu'avec les pays voisins, la pauvreté de leur ile et le taux de chomage (réel, pas juste l'officiel), la violence endémique que cause cette pauvreté.

Ajoutez à cela que tout ne pouvant arrêter d'être noir, un martiniquais venant en métropole entendra réguliérement questionner ses origines, voir son statut de français, et avec tout cela vous comprendrez aisément que à force d'être considéré comme un français "à part", l'autonomie peut tenter.

  • 5
  • 0
Pirolet
6.

Aití, son los esclaus, es a dire de negres, que ne faguèron un país independant. D’en primièr, los colons s’èran plan gardats de los tròp ensenhar, encara mens de formar de mond capable d’administrar un país. Mas sustot, qu’un país foguèsse bailejat per de negres espaventèt tot los autres a l’entorn, Estats Units primièr que totes. Volián pas una revolucion a cò seu. Se compren que totes, dempuèi l’independéncia, an fach tot çò que cal per li mantèner lo cap jos l’aiga. Aital es aisit de pretendre que de negres son pas capables de s’administrar.

  • 2
  • 0
c.
5.

N'ic fau pas confóner tot e mesclar tot:
Independéncia es una causa. Set de poder una auta.
Progressisme una auta . E populisme una auta enqüera.
L'istòria d'America latina hè véser que los que possedissen las tèrras e las riquesas son estats independentistas per milhor se servar los privilègis.

  • 2
  • 0
savonarole
4.

las nòrmas basicas d'educacion, civisme e dialòg ? SerIá doncs maleducat, incivic e solipsista de constarar la pauretat esfraianta de la republica independenta de Haïti e la richessa insolenta, a rapòrt , de la Martinica, despartament francés ? que manca de personau dins leis ostalariás martiniquesas e que leis avanatges sociaux fan flòri ? ieu an aquò li disi puslèu censura e intolerança

  • 1
  • 9

Escriu un comentari sus aqueste article