Bandièra01 1180x150: Comuna de Tolosa

Actualitats

Turquia negòcia tornarmai l’adesion a l’Union Europèa

Las negociacions se son reïniciadas jos la pression de la crisi dels refugiats

Aqueste diluns passat, Turquia a enregat un còp de mai lo procès d’adesion a l’Union Europèa. Après dos ans sens negociacions, la nauta representanta per la politica exteriora e divèrses ministres dels afars estrangièrs de l’Union Europèa se son reünits amb lo govèrn turc per començar l’onzena fasa de negociacions, centrada sus la politica monetària.
 
L’Union Europèa negòcia l’adesion de Turquia dempuèi onze ans. Los dos darrièrs ans las negociacions èran estadas suspendudas. Ara se son reïniciadas jos la pression de la crisi dels refugiats. En contrapartida Turquia s’es engatjada a contrarotlar melhor la frontièra amb Siria.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
4.

#1 Me damandi simplament se l'islamo-fascisme e l'ordoliberalisme despotic son tant incompatibles qu'aquò. Tant que marchan los afars e que los rics s'enriquisson sens pagar mai d'impòstes, pensi qu'Euròpa es missibla dins la poison islamista, sens cap mena de problèmas…

  • 3
  • 0
francesc palma
3.

De cap de las maneras !

  • 2
  • 0
savonarole
2.

se i a un pais que respècta pas lei valors de l'Euròpa, ei ben la Turquia que s'encamina plan plan devèrs l'islamofaissisme, mai que deten la clau de l'immigracion musulmana. a 'Strassborg, quan,d Erdogan faguèt un discors davant sei compatriòtas, li recomandèt ben de gardar sa religion, sa lenga de batejar sei dròlles de noms turcs -teur escriu A Daudet, e de s'engardar ben de s'assimilar o de s'integrar, vaqui de premissis interessants per lei negociacions, qu'aquela ratapenada d'Erdogan desplega seis alas contra Daesh e amb sei patas ajuda l'estat islamic en bombardejant les curds e en vendent son petròle

  • 4
  • 0
Pirolet
1.

Quana còla de trufandièrs! T'aimi, t'aimi pas, te vòli, te vòli pas... Ara que lo païs camina cap a l'islamofaissisme li fan los uèlhs de Chimèna, te disi!

  • 3
  • 0

Escriu un comentari sus aqueste article