Actualitats
Jean-Christophe Angelini: “L’independéncia de Corsega es pas una prioritat dins los ans que venon”
A l’ora d’ara son l’estatut de resident, la cooficilitat de la lenga, la corsizacion de l’emplec, l’autonomia energetica, l’aprochament e l’amnestia dels presonièrs politics...
L’independéncia de Corsega es pas a l’òrdre del jorn, çò a dich lo secretari general del Partit de la Nacion Còrsa, Jean-Christophe Angelini, dins una entrevista pel jornal catalan Vilaweb. Per Angelini, l’independéncia “es pas una prioritat dins los ans que venon. Nos opausam pas de cap de manièra a l’idèa de l’independéncia, mas pensam qu’a l’ora d’ara Corsega, malastrosament, la pòt pas assumir. Volèm per ara un estatut d’autonomia e, se dins los ans que venon Corsega es preparada per assumir l’independéncia, i aurà un referendum”.
“Pasmens, es un moment istoric”, çò ditz Angelini, que remarca pas solament que los sobeiranistas sián arribats al poder mas qu’o an fach amb mai de cinquanta mila vòtes. Doncas, es “un resultat istoric, tant per l’aspècte nacional coma per l’amplor”.
Prioritats
Ara, las prioritats de sa formacion al govèrn seràn d’“activar la negociacion entre los govèrns còrs e francés sus de questions fondamentalas del movement nacionalista coma l’estatut de resident, la cooficilitat de la lenga, la corsizacion de l’emplec, l’autonomia energetica, l’aprochament e l’amnestia dels presonièrs politics…” e tanben “caldrà negociar d’urgéncia tres aspèctes mai tecnics: lo transpòrt, lo desvolopament economic al sens larg e la fiscalitat”.
Arrèst de l’activitat de l’FLNC
Agelini atribuís aquela reüssida del corsisme a “la lucha de fons organizada pendent fòrça ans en matèria de lenga còrsa, de defensa de l’environament, de lucha contra l’especulacion immobilièra…”. Un trabalh de quaranta ans qu’ara “l’an reconegut”. Mas tanben soslinha l’abandon de l’FLNC, “lo darrièr movement clandestin d’Euròpa, actiu fins en 2014”. L’arrèst de l’activitat del grop armat “es estat percebut pels còrses coma lo senhal d’una volontat d’apasiment e a permés definitivament de tranquillizar la populacion sus la nòstra volontat de participar al jòc democratic”.
Aquel cessament del grop armat “a permés tanben l’union de las fòrças nacionalistas, de s’organizar” segon Angelini.
Podètz legir tota l’entrevista en catalan sus Vilaweb, e tanben traducha automaticament en occitan, gràcias al traductor automatic occitan de la Generalitat de Catalonha.
“Pasmens, es un moment istoric”, çò ditz Angelini, que remarca pas solament que los sobeiranistas sián arribats al poder mas qu’o an fach amb mai de cinquanta mila vòtes. Doncas, es “un resultat istoric, tant per l’aspècte nacional coma per l’amplor”.
Prioritats
Ara, las prioritats de sa formacion al govèrn seràn d’“activar la negociacion entre los govèrns còrs e francés sus de questions fondamentalas del movement nacionalista coma l’estatut de resident, la cooficilitat de la lenga, la corsizacion de l’emplec, l’autonomia energetica, l’aprochament e l’amnestia dels presonièrs politics…” e tanben “caldrà negociar d’urgéncia tres aspèctes mai tecnics: lo transpòrt, lo desvolopament economic al sens larg e la fiscalitat”.
Arrèst de l’activitat de l’FLNC
Agelini atribuís aquela reüssida del corsisme a “la lucha de fons organizada pendent fòrça ans en matèria de lenga còrsa, de defensa de l’environament, de lucha contra l’especulacion immobilièra…”. Un trabalh de quaranta ans qu’ara “l’an reconegut”. Mas tanben soslinha l’abandon de l’FLNC, “lo darrièr movement clandestin d’Euròpa, actiu fins en 2014”. L’arrèst de l’activitat del grop armat “es estat percebut pels còrses coma lo senhal d’una volontat d’apasiment e a permés definitivament de tranquillizar la populacion sus la nòstra volontat de participar al jòc democratic”.
Aquel cessament del grop armat “a permés tanben l’union de las fòrças nacionalistas, de s’organizar” segon Angelini.
Podètz legir tota l’entrevista en catalan sus Vilaweb, e tanben traducha automaticament en occitan, gràcias al traductor automatic occitan de la Generalitat de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal veire l'article irracible de Le Monde sur Corsega. E parli pas dels autres! Marianne es en plen deliri nacionalista francés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari