Bandièra01 1180x150: Comuna de Tolosa

Actualitats

Una passejada per la vila millenària de Pètra

Google Street View permet de vesitar virtualament l’anciana capitala de l’empèri nabatèu

| xicot
Fa mai de dos mila ans, los nabatèus bastiguèron Pètra, una vila de pèira situada dins lo país qu’ara es Jordania. Èra mai granda que l’actual Manhattan nòvayorkés e foguèt la capitala d’un empèri que prosperèt gràcias al comèrci d’encens, de mirra e d’espècias.
 
Mas l’an 363 abans lo Crist, quand èra ja annexada a l’Empèri Roman, un tèrratrem destruguèt una bona part de la vila. En mai d’aquò, la principala rota de las espècias se desvièt e la vila de Pètra tombèt dins lo desmembre. Solament las tribus bedoïnas del desèrt la conservèron dins lor memòria. En 1812 l’exploraire soís Johannes Burckhardt “redescobriguèt” la vila desguisat d’arabi en tot convéncer un bedoïn local per que l’acompanhèsse dins la vila perduda.
 
Dempuèi aquel moment, Pètra es una de las meravilhas arqueologicas del Mond, vesitada per de milièrs de toristas que venon de pertot. E ara, gràcias a Google Street View, mai de mond poirem vesitar la vila virtualament e contemplar sas carrièras e sos monuments, dont la celèbra faciada d’Al Khazna (lo Tresaur). 




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article