Bandièra01 capçalera  1180x150: Novestivada

Actualitats

Sant Gervasi aculhirà lo 6n festenal Rescontre, de vidèo e cinèma

L’eveniment se passarà los 6 e 7 de febrièr que venon. Ja podètz mandar vòstres cortmetratges

La 6a edicion del festenal Rescontre (o Rescòntre), de vidèo e cinèma, se tendrà a Sant Gervasi (Costièra de Nimes) los 6 e 7 de febrièr que venon. Organizat per l’associacion Raions d’Òc, presentarà de filmes-cortmetratges en occitan o en francés que lor subjècte se debana en Occitània.
 
Lo festenal presenta al public dempuèi sièis ans de documentaris, reportatges, diaporamas, animacions, clips musicals, etc. En mai d’aquò, ongan se presenta un longmetratge sus l’istòria de Sant Gervasi.
 
Tant la participacion coma l’intrada al festenal son gratuitas.
 
Pendent los dos jorns lo CIRDÒC i plaçarà l’exposicion Lengas en Guèrra.
 
Los partenaris del festenal son la comuna de Sant Gervasi, l’associacion France Bleu, TV Sud, Télé Mistral e Te Ve Òc.
 
 
Per participar
 
Ja podètz mandar vòstres cortmetratges (15 minutas al maxim) a Michel Gravier (Raions d’Òc), 2 Carrièra Pasteur, 30320 Sant Gervasi; o per e-mail a michelgravier30@or...
  


fffff  fffff
 Te Ve Òc es una associacion creada a Nimes en 2012. Es productritz d’emissions, reportatges e filmes en occitan. “L’emission de 13 minutas, Lenga d’òc, es difusada sus TV Sud, Médias du sud, cada setmana; e lo sit ne presenta un trentenat en redifusion”. Sul sit i a tota mena d’informacions e entresenhas, çò a explicat Lisa Gròs a Jornalet, que precisa que “lo CIRDÒC presenta tanben sus Occitanica mai d’una emission e met en linha cada setmana aquela que sortís”.   
     

 
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article