Bandièra01 1180x150: Comuna de Tolosa

Actualitats

crotz-tolosaCreated with Sketch.DaufinatBas DaufinatValentinés

Valença: un automobilista a percutit deliberadament de militars que protegissián la mosqueta

Lo bilanç de l’atemptat es de dos ferits: un militar e lo quite agressor

Un automobilista percutiguèt ièr de militars que protegissián la mosqueta de Valença. Lo bilanç de l’atemptat es un militar ferit e lo quite agressor ferit.  L’agressor foguèt tocat per de còps de fuòc al braç e a la camba, çò confirmèt lo primièr cònsol valentinés, Nicolas Daragon, sus BFM TV.
 
L’agressor percutiguèt dos còps amb una Peugeot 308 lo dispositiu de l’operacion “Sentinelle” installat davant la mosqueta. Es dins lo segond atac que los militars tirèron sus l’automobilista, après que refusèsse las somacions d’arrestar l’agression e de quitar la veitura. Ferit a la camba e al braç, foguèt menat sul pic a l’espital. L’identitat e las motivacions de l’agression son encara desconegudas al moment de redigir aqueste article.
 
 
La mosqueta de Valença es un endrech fòrça tranquil e las activitats religiosas “se debanan de manièra pacifica”, segon la prefectura. Èra protegida per quatre militars, mas ara un vintenat de militars son plaçats en permanéncia. Patrolhan a Valença entre los luòcs de culte e los bastiments de las institucions localas dins l’encastre de l’operacion “Sentinelle” que, dempuèi los atemptats dels 7 e 9 de genièr de 2015 a París, mobiliza 10 500 personas per protegir los ponches sensibles del territòri.
 
Las agressions contra los militars d’aquela operacion son nombrosas. I a pas mens de 200 incidents reportats dempuèi febrèr de 2015, dont sèt son màgers, coma lo que se passèt a Niça en febrièr, ont feriguèron amb un cotèl tres militars que protegissián un centre josieu.





Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

savonarole
1.

siam en guerra, declara lo president de la republica, guerra estranha, embugada de mansuetuda, onte se tuia pas l'enemic, doncas guerra perduda d'avança. en Israel, menaçat en primiera linha, son pas tan manses e tuian l'agressor, eli si que fan la guerra e vòlon subreviure, an rason

  • 1
  • 31

Escriu un comentari sus aqueste article