Actualitats
Grècia: Tsipras prepausarà de reduire las nòvas pensions fins a un 35%
Las pensions actualas se respectarián e aurián pas mai de retalhadas, mas se revisarián en 2018
Lo govèrn grèc es a alestir una proposicion que cèrca de satisfar las exigéncias de la Tròica, formada per la Banca Centrala Europèa (BCE), lo Fons Monetari Internacional (FMI) e la Comission Europèa (CE). E mai se lo contengut de la proposicion se coneis pas oficialament, qualques mèdias grècs an avançat qualques unes dels cambiaments principals. Sembla que l’executiu del primièr ministre Alexis Tsipras prepausarà de reduire las nòvas pensions d’un 35% a partir d’ongan. Las pensions actualas se respectarián, e mai s’en 2018 serián revisadas.
La reforma de las pensions èra una de las principalas exigéncias de la Tròica, mas segon lo jornal grèc Ekathimerini, Brussèlas demorariá pas satisfacha amb aquelas mesuras e demandariá una reduccion mai granda. Es previst que Tsipras presente la proposicion al Forum Economic Mondial de Davos, que se debanarà los 21 e 22 de genièr.
D’un autre costat, la proposicion compren tanben l’aument d’un ponch percentual de las cotizacions de la seguretat sociala per las entrepresas e de mièg ponch pels salariats. Aquò supausariá que mantas personas poirián pèrdre la pension minimala nacionala, qu’es de 384 èuros per mes. Se reduiriá tanben las pensions complementàrias que fòrça trabalhadors las pagavan per aver una retirada melhora.
Tot aquò deu servir per que Brussèlas apròve la primièra revision del tresen salvament acordat en agost passat , que compta 86 miliards d’èuros en tres ans.
La reforma de las pensions èra una de las principalas exigéncias de la Tròica, mas segon lo jornal grèc Ekathimerini, Brussèlas demorariá pas satisfacha amb aquelas mesuras e demandariá una reduccion mai granda. Es previst que Tsipras presente la proposicion al Forum Economic Mondial de Davos, que se debanarà los 21 e 22 de genièr.
D’un autre costat, la proposicion compren tanben l’aument d’un ponch percentual de las cotizacions de la seguretat sociala per las entrepresas e de mièg ponch pels salariats. Aquò supausariá que mantas personas poirián pèrdre la pension minimala nacionala, qu’es de 384 èuros per mes. Se reduiriá tanben las pensions complementàrias que fòrça trabalhadors las pagavan per aver una retirada melhora.
Tot aquò deu servir per que Brussèlas apròve la primièra revision del tresen salvament acordat en agost passat , que compta 86 miliards d’èuros en tres ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Car amic desesperis pas, lo que volon los medias pagats per lo capital es far creire que Tsipras fa igual que la dreta. Tot son messorguas, disen cap de veritat la premsa capitalista.
#1 Es Euròpa tota que trepeja tota democracia. En Grècia, es caricatural? Mas es es çò meteis pertot. Euròpa mespresa lo quite concèpte de democracia, estant qu'impausa una politica economoica ultraliberala a totes sens disctincion electorala democratica. Tre qu'aquò es dit, tot es entendut. De democracia, cap mai, enlòc mai… Tsipras o pas… Hollande o pas… Podemos o pas… En Euròpa mondernassa, cap salvament per las democracias, quinas que sián.
Tsipras s'es ben fotut del morre del pòble grèc....
Pfff! Lamentable!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari