Vandalisme occitanofòb a Vilanava d’Ornon (Grava). Los escolans del cors d’adultes d’occitan de l’Escòla de Lengas de la vila an trobat la carta d’Occitània vandalizada. La carta, que se trobava penjada demièg d’autras cartas de païses d’Euròpa, foguèt enquinçada en dos e getada al sòl. En mai d’aquò, an desplaçat la carta d’Espanha de qualques centimètres per daissar pas plaça a la carta del país. “Es un espaci public, hèit per acrocar cartas, pus qu’es una sala on i a cors de lengas. Donc avèvam desplaçat chic la carta d’Espanha, e après auger darrigat la d’Occitània, an tornat botar la carta d’Espanha a la plaça on èra...”, çò a explicat Dàvid Escarpit a Jornalet.
 
“La carta servèva simplament a explicar las grandas zònas dialectalas occitanas”, çò a precisat Escarpit, qu’a soslinhat l’efièch psicologic d’aquela agression. “Los autors d’aqueste acte qu’en d’autes lòcs seré percebut coma un acte de guèrra meritan d’estar remerciats per lur sens dau management de grop: an fèit d’una banda d’aprenents d’occitan”.
 
 
 
 

---