Bandièra01 1180x150: Comuna de Tolosa

Actualitats

Los estats de l’UE an aculhit sonque 322 refugiats dels 160 000 per los quals se son engatjats

Los estats qu’an mostrat mai de solidaritat amb l’iniciativa europèa son Finlàndia, Olanda e Suècia

Los estats de l’Union Europèa (UE) an solament reïnstallat 322 refugiats dels 160 000 per los quals s’èran engatjats, segon las donadas oficialas que la Comission Europèa a publicadas aquesta setmana, çò  rapòrta Vilaweb.
 
I a sèt païses de l’UE qu’acceptèron las quòtas de refugiats mas qu’a l’ora d’ara n’an pas aculhit oficialament cap. La majoritat son de la dicha “rota dels Balcans” que la seguisson los refugiats per anar de Grècia a Alemanha. Çò es: Àustria, Croàcia, Chequia, Ongria, Eslovaquia e Eslovènia. Estònia a pas ofèrt tanpauc cap de plaça.
 
Los estats qu’an mostrat, a l’ora d’ara, mai de solidaritat amb l’iniciativa europèa de reïnstallacion e qu’an aculhit dins lor territòri mai de refugiats provenent de Grècia e d’Itàlia son: Finlàndia, amb 111; Olanda, amb 50; e Suècia, amb 39.
 
Alemanha, e mai s’es lo país de l’UE que recep mai de refugiats e mai de demandas d’asil, n’a solament recebut 21 a travèrs del sistèma europèu de partiment per quòtas.
 
Al total, 17 estats de l’UE an ofèrt de plaças per 4 237 dels 160 000 refugiats que cal distribuir dins los dos ans que venon, e mai se se n’es materializat sonque 322.







Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Terric Lausa Quilhan
1.

Sabi pas ont l'Union Europèa a trapat aquestas chifras mas me semblan fantasioses. Demòri dins una comuna de 3000 abitants e avèm aculhit un dotzenat de refugiats (de Siria). Se fasem una extrapolacion, lo compte i es pas.

  • 5
  • 0

Escriu un comentari sus aqueste article