Bandièra01 1180x150: País Invisible

Actualitats

“Soi puta, gròssa, laida, retardada e mal bicada perque fau de politica”: las femnas de la CUP se revendican contra lo masclisme

Mireia Boya planh d’èsser insultada per “defensar un modèl de territòri sostenable” e se bat per que sa “lengua mairau, er occitan, se pogue parlar enes institucions publiques d’aguest país”

| CUP
Un trentenat de femnas de la CUP e d’autras organizacions de l’esquèrra independentista e anticapitalista s’acampèron ièr, a Barcelona, per revendicar lor dobla condicion de femnas e de militantas engatjadas dins la lucha politica. Las femnas recitèron publicament davant los presents e davant los mèdias, sens sal ni òli, la cordelada d’insultes masclistas qu’an patit publicament per “èsser de femnas e far de politica”
 
A la faiçon d’un testimoniatge revendictaiu, las deputadas de l’esquèrra independentista catalana clamèron que son “laidas”, “gròssas”, “putas”, “retardadas” o quitament “malbicadas” pel fach d’èsser dins la lucha politica e de defendre “l’educacion e la santat publicas”, “la libertat e la dignitat de las personas e dels pòbles” o “los Païses Catalans liures e feministas”. Elas assumiguèron, doncas, los insultes recebuts per ne mostrar lo “caractèr masclista e politic”.
 
 
En occitan
 
Demest elas, i aviá la deputada aranesa Mireia Boya, qu’es estada victima d’insultes masclistas per revendicar l’emplec de l’occitan dins las institucions publicas e per defendre l’environament e la nacion occitana. “Bon dia. Eth mèn nòm ei Mireia Boya. A jo m’an dit «perra sarnosísima» [canha ronhosissima]. Era unica causa qu’è hèt ei defensar un modèl de territòri sostenable e qu’era mia lengua mairau, er occitan, se pogue parlar enes institucions publiques d’aguest país”, çò a dich. Ne podètz veire lo vidèo çai jos.
 

 
 
 
 
 
 



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
4.

Per mi son unas meravelhosas donas, uns angels, e esper que seguescan essent sempre. E que podem aconseguir lo que desitgen e desitjam.

  • 0
  • 0
JCD
3.

#2 L'i a pas mai vugle que lo que vòu pas veire. Contunhatz de barrar los uelhs mossur.

  • 1
  • 0
Bernat Vielha. Val d´ARAN
2.

Non ei vertat ço qie ditz Mirei Boya. aguesta hemna ei ua pilitica que non represente as aranesi.-3% de vots enes darreres eleccions.-

Era Occitanofofia ei pas vertat. Era utilitzacion dera lengua e deth concepte Occitania solet se correspon enta finalitats politiques deth independentisme catala.

Aran non ei Catalonha. e aguesta polica pense que oc.

  • 1
  • 12
Lachaud
1.

Pel aquel costat de las pireneus sufis de prener lo contre-pè dau Nadaud. La femna disset ; "Anirei, tal jorn, a la festa de Mios (espaçi zenituda). Aqui i a un,a seança de perdon facha per los zens.
La femna tornet a 1 ora dau matin, crana e sens paur, mas la pendula se creuget obligeada de sonnar 6 còps. Disset a son òme; "Ai trobat un galant òme que m' a far dansar, virar, viroletar, e que me menet au septieme ciau. Es ora de te levar per far lo trabalh mas laissa me dormir tota la jornada mai la nuech que ven."

  • 0
  • 0

Escriu un comentari sus aqueste article