Bandièra01 1180x150: Comuna de Tolosa

Actualitats

De fotbolaires de la Liga grèga arrèstan una partida e s’assètan en protèsta contra lo tractament dels refugiats

Los jogaires recòrdan los centenats d’enfants mòrts dins la Mar Egèa en assajant d’arribar en Euròpa

Dimenge, los fotbolaires de doas esquipas grègas de la segonda division protagonizèron una espectaclosa protèsta contra lo maltractament dels refugiats qu’arriban de Siria e d’autres païses. Al moment que comencèt la partida que la devián disputar l’AEL Larissa e l’Acharnaïkos, los vint e dos jogaires s’assetèron sus la tepa e restèron dins aquela posicion durant doas minutas.

Lo club de Larissa expliquèt que l’iniciativa èra venguda dels jogaires de las doas esquipas e qu’aquela accion la fasián “en memòria dels centenats d’enfants que morisson cada dia a causa de l’apatia de l’Union Europèa e de Turquia subre çò qu’es a se passar dins la Mar Egèa”.

Aquesta dimenjada passada foguèron mai de cinquanta los refugiats mòrts dins las aigas de la Mar Egèa mentre qu’assajavan d’arribar en Euròpa.








 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

Ben fait ! Lo capitalime es al servici de les personas mai despreciables.

  • 1
  • 0

Escriu un comentari sus aqueste article