Bandièra01 1180x150: Comuna de Tolosa

Actualitats

La prediccion precisa dels esmartfòns que Nikola Tesla la faguèt fa 90 ans

L’engenhaire visionari nascut en Croàcia descriguèt las valentiás atualas dins una entrevista publicada en 1926

Nikola Tesla (nascut en Croàcia en 1856 e mòrt als Estats Units en 1943) foguèt un engenhaire, scientific e filosòf que veguèt famós per sa contribucion al desvolopament industrial del corrent alternatiu polifasat (AC) e per la creacion de la bobina qu’a son nom. En mai d’èsser inventor e d’aver daissat fins a tres cents brevets, Tesla foguèt tanben un visionari dins fòrça domenis, coma lo de la telefonia. Una bona pròva es que, fa nonanta ans, prediguèt, quasi a la perfeccion, los telefòns mobils qu’avèm a l’ora d’ara.
 
Vaicí la descripcion que ne faguèt dins una entrevista menada per John B. Kennedy e publicada dins la revista Collier’s lo 30 de genièr de 1926:
 
“Quand reüssirem a aplicar perfièchament la tecnologia sens fil, tota la Tèrra vendrà un cervèl immens, coma o es de fach, tant, que las causas son de particulas d’un tot real e ritmic. Serem capables de comunicar entre nosautres instantanèament, independentament de la distància. E pas solament aquò, mejançant la television e la telefonia nos poirem veire e nos escotar perfièchament coma s’o faguèssem cap e cap, e mai s’entre nosautres i aurà de milièrs de quilomètres de distància; e las aisinas qu’aurem per o far seràn incresablament simplas en comparason amb los telefòns actuals. Òm ne poirià portar un dins la pòcha de la vèsta”.
 

Dins aquela meteissa entrevista, entitolada “When woman is boss”(“Quand la femna es patrona”), Tesla prevesiá tanben que lo desvolopament tecnologic permetriá a las femnas de desvolopar lor intelligéncia, reprimida per la societat patriarcala long dels sègles:
 
“La lucha de las femnas per l’egalitat finirà en un nòu òrdre sexual que la femna i serà superiora. [...] Serà pas per l’imitacion fisica dels òmes que las femnas atenheràn primièr l’egalitat puèi la superioritat, mas per lo revelh de lor intelligéncia”.

 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article