Bandièra01 1180x150: Comuna de Tolosa

Actualitats

Marselha: indignacion dels ensenhaires per l’abandon de las escòlas

Demandan un “estat d’urgéncia dins leis escòlas marselhesas”

L’indignacion d’una ensenhaira contra l’abandon de las escòlas de Marselha a provocat un escàndol. Diluns passat, tre la primièra pagina, Libération fasiá un reportatge sus aquela situacion precària dels establiments escolars de la Ciutat Focèa. Ara, professors e parents an cridat l’esat en considerant que la comuna, sola competenta legala dins la construccion e l’entretenement de las escòlas, es defalhenta.
 
Charlotte Magri, afectada fins a la setmana passada dins una escòla dels Quartièrs Nòrd de Marselha, escriguèt una letra dobèrta a la ministra de l’educacion a la fin de novembre. Ela denonciava las condicions de trabalh e d’aculhença de sos escolans dins l’escòla, la manca d’entretenement, los calfatges que tomban en pana regularament, la preséncia d’amiant especialament dins los malons degradats del sòl... Dins son reportatge, Libération ajusta: “de murs que pèrdon lo rebocatge, de prefabricats del sègle passat, de sospièchas d’amiant, de salas de classa que desbòrdan, de mobilièr de recuperacion, una gestion dels trabalhs destimborlada e mai una penúria organizada de papièr igienic...”.
 
Sens responsa de la ministra, Margri lancèt al mièg de genièr una peticion, qu’a l’ora d’ara amassa mai de 15 000 signaturas. “Tant qu’aquesteis injustícias seràn pas mediatizadas, i aurà ges de reaccion dei poders politics”, çò ditz, en interpelant la ministra: “per la vòstra non-respònsa, reconeissètz que maugrat lo vòstre discors, la nòstra educacion es pas pus nacionala e que vos i podètz pas pus ren.”
 
 
“Estat d’urgéncia dins leis escòlas marselhesas”
 
En seguida, la mobilizacion a pres l’amplor a Marselha. Diluns passat, lo collectiu Castelana, qu’amassa plusors escòlas dels Quartièrs Nòrd, lancèt una crida en demandant un “estat d’urgéncia dins leis escòlas marselhesas”. Los ensenhaires reclaman “de la comuna qu’ela done lei mejans que son deguts a totei leis enfants de la Republica Francesa”, del temps qu’exigisson “de l’estat e pus particularament dei servicis de l’Educacion Nacionala [francesa] que prengan sei responsabilitats per que lo principi republican d’egalitat siá respectat”.
 
 
 

Libération 01/02/2016 : Marseille: école primaire, gestion secondaire
Libération 01/02/2016: Périscolaire : Marseille a son sens du rythme
Libération 21/01/2016: «Quand tu vois dans ta classe que tes élèves ont les lèvres bleues, tu as honte»
— Peticion adreiçada a la ministra de l’educacion: La vie et les besoins de nos élèves sont menacés: répondez à ma lettre ouverte.
 
 
 
 
 
 
 
 
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
1.

Los ensenhaires reclaman “de la comuna qu’ela done lei mejans que son deguts a totei leis enfants de la Republica Francesa”, del temps qu’exigisson “de l’estat e pus particularament dei servicis de l’Educacion Nacionala [francesa] que prengan sei responsabilitats per que lo principi republican d’egalitat siá respect. Los enfants de mArselha son los enfants de la Comuna occitana, e non aps los d'una republica que s'impausa dictartorialament a totes coma exclusivament francesa. Aquela "republica" qu'impausa sa cultura exclusiva a totes a pas jamai res entendut a l'egalitat, qu'a pas res a veire amb l'uniformitat. Aquò dit, la quita unformitat teritoriala alla francese sembla plan malmenada sens que per aitant la nòstra identitat culturala e linguistica se'n pòrte melhor… Non poiriá anar pus mal, coma o cantavan ja fa bèl brieu. Involucion…

  • 4
  • 0

Escriu un comentari sus aqueste article