Bandièra01 1180x150: Comuna de Tolosa

Actualitats

Lo Curdistan iraquian convòca un referendum per l’independéncia

Serà de caractèr non constrenhent e se debanarà abans novembre que ven. L’estat iraquian s’apèla de la Constitucion per o empedir

Masud Barzani
Masud Barzani | Jan Sefti
Lo president del Curdistan iraquian, Masud Barzani, a anonciat dimars de ser que convocarà un referendum de caractèr non constrenhent sus l’independéncia del país. Anoncièt pas la data mas assegurèt que se debanariá abans las eleccions presidencialas estatsunidencas, de novembre que ven.
 
Segon lo president curd, lo referendum implicarà pas la declaracion oficiala d’independéncia, mas servirà per mostrar al Mond la volontat del pòble curd d’aver un estat pròpri, e tanben per legitimar lo govèrn autonòm a començar lo procès cap a l’independéncia.
 
 
Coma Escòcia, Catalonha e Quebèc
 
“Del meteis biais qu’Escòcia, Catalonha, Quebèc e d’autres endreches an drech d’exprimir lors opinions sus lor avenir, Curdistan tanben a aquel drech, e es pas negociable”, çò diguèt Barzani a Reuters.
 
 
Iraq s’apèla de la Constitucion per o empedir
 
Lo govèrn d’Iraq a reagit en denonciant la proposicion. A dich qu’acceptariá pas cap de mesura unilaterala, en apondent que la constitucion iraquiana empedís un vòte coma aquel.
 
En 2005 los curds d’Iraq faguèron ja un referendum d’independéncia organizat per la societat civila, dins l’estil de las consultas popularas que se debanèron en Catalonha de 2009 a 2011. Mai de dos milions de personas votèron per.
 
 

Vilaweb — El Kurdistan iraquià convoca un ‘9-N’ prenent Catalunya d’exemple
NationaliaContext complicat per a la consulta sobre la independència del Kurdistan del Sud
RûdawBarzani: Time is ripe for referendum; Kurdish independence brings the region peace




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Enhorabona, guanyeu-lo, la vostre llibertat us espera.
Us ho mereixeu.
Visca la Terra...Lliure!
"El Tàrrega".

  • 0
  • 0
Matiàs Marsiho
2.

Benlèu que l'Artur Mas s'i va presentar coma président?

  • 1
  • 1
socialisme o barbaria occitania
1.

Lo curdistan irakian qu'ei ja independant d'irak de hèit,, mès qu'ei ua colònia de la Turquia ( e donc deus us). N'i aura pas nada liberacion dab un mafiosi com la familha barzani.

  • 0
  • 0

Escriu un comentari sus aqueste article