Bandièra01 1180x150: País Invisible

Actualitats

Mireia Boya s’engatja per l’independéncia, lo drech de decidir d’Aran, la politica sociala e la nacion occitana

Vilaweb publiquèt ièr una entrevista de la deputada occitanista al Parlament de Catalonha

Vilaweb publiquèt ièr una entrevista de Mireia Boya, la deputada occitanista al Parlament de Catalonha, qu’es tanben collaboradora de Jornalet. Presidenta del grop parlamentari de la CUP, Boya mòstra son engatjament per la nacion occitana e per l’integracion d’Aran dins la nòva republica amb dignitat: “Catalonha deu èster exemplara e deu hèr era melhora aufèrta possibla entà qu’eth pòble aranés contunhe a on ei. Un còp decidit açò, ja ac veiram”, çò ditz. “Era naua republica se deu nomentar Republica de Catalonha e Aran. Per ua arrason fòrça simpla. Actuauments eth territòri de Catalonha ei format per dus bocins de dues nacions qu’encara non an eth sòn estat. Catalonha ei un bocin des Païsi Catalans e Aran ei un bocin dera nacion occitana"
 
Boya explica atanben l’estat e lo foncionament de son grop parlamentari, son prètzfach per l’independéncia e sustot per la politica sociala. En mai d’aquò, explica son contacte e engatjament amb l’occitanisme en general: “Òc, qu’ei vertat que d’ençà que sò en parlament, m’an contactat fòrça associacions occitanes deth costat francés; que ven en tot aquerò un cèrt ressorgiment der occitanisme o aumens un senhau mès public. Jo se pogui anarè tà visitar-les a totes pr’amor que compreni qu’ei important dar visibilitat a un sentiment nacionau qu’encara ei fòrça amagat.”
 
Podètz legir tota l’entrevista en occitan sul sit de Vilaweb e ne trobaretz çai jos un petit extrach en vidèo.
 
 

Mireia Boya: 'La CUP tornarà a enamorar'per vilawebtv









Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ròdrigo Bigòrra
2.

senher Guevara , non cau pas sonejar ,era Republica Francèsa jamès non deixara un deths sué despartament a un aute pais ,en mes d'açò era nacion "Occitana" n'a pas jamès existit ; té que ve vòi balhar un exemple en 1369 les consuls de Cahors jurent de porter secours au Roi de France, même sous domination Anglaise ils n'avaient jamais cessé d'avoir le cœur Français et de ça il il y a 646 ans .
Adixatz .

  • 0
  • 3
Ernèst Guevara Jr. L'Avana
1.

Temps un : lo Principat ven un estat independent.
Temps dos : aran ganha encara en autonomia e sobeiranetat linguisitica
Temps tres : exigissèm democraticament la restitucion de Catalonha nòrd al Principat, e l'anexion d'Occitania a Val d'Aran…

Coma o cantan Lluis Llach, somiem.

  • 3
  • 0

Escriu un comentari sus aqueste article