Bandièra01 1180x150: Comuna de Tolosa

Actualitats

Espanha: dos mariotistas empresonats per far de denóncia sociala

Son acusats d’“apologia del terrorisme” a causa d’un jòc de mots que conteniá la sigla d’ÈTA

| Manel Márquez
Polemica de las bèlas al Carnaval de Madrid. Aquesta dimenjada passada an embarrat en preson, per “apologia del terrorisme”, dos mariotistas que fasián un espectacle infantil. La companhiá nomenada Títeres desde Abajo es coneguda per sos espectacles de critica sociala.
 
Dins l’òbra que representavan a Madrid, se criticava lo sistèma e sos metòdes. Dins una scèna, la polícia perseguís e bat una mariòta e li plaça al costat una aficha ont es escrich “Gora Alka-Eta”, un frasa que significa pas res mas que fa lo jòc de mots amb la frasa basca “gora alkatea” (“viva lo cònsol màger”), en la deformant per qu’òm comprenga una allusion a Al Qaida e a ÈTA. Amb aquò volián denonciar la manipulacion dels indicis per incriminar lo mond.
 
Mas l’escàndol, organizat d’en primièr pels parents dels enfants qu’agachavan l’espectacle, e après pels mèdias de Madrid, a quitament implicat la consolessa de Madrid, la progressista Manuela Carmena, dins l’acusacion d’apologia d’ÈTA, e a fach menar en preson còp sec los dos mariotistas.
 
Un jutge de l’Audiéncia Nacionala espanhòla, un tribunal d’excepcion encargat sustot de delictes liats amb lo terrorisme, ordenèt l’encarceracion immediata pels artistas en los acusant d’“apologia del terrorisme”. La comuna de Madrid a anonciat tanben una enquèsta sus l’afar.
 
La protèsta sociala se viu dins tot l’estat espanhòl amb l’etiqueta #libertadtitiriteros (libertat mariotistas) suls rets socials.
 
.
 
 

 
 
 
 
 
 
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
4.

Madrid es una ciutat ont hi ha tot l'aparelh de l'esta,e ara lo govern es del pp. Cal anar alerta per alà. Ha estat la denuncia d'un que ho ha vist e ha anat a denunciar-ho. No passa a altres ciutats, mas a madrid milhor que los titelhaires no hi tornen.

  • 2
  • 0
Francon Sant Joan
3.

La nòva “Lei de Seguritat Ciutadana” en Espanha es plan òrra. Cal pas riscar de èsser jutjat per aicesta lei.

  • 4
  • 0
Atau com aquero Salardu
2.

Es mariotistas son activistes contra era convivencia. Ei era degeneracion dera cultura.

  • 1
  • 3
Thomas Guilhèm Tolosa
1.

"Ha ha ! Dangièr ! ho ho ! Atencion ! Hi hi ! Mèfi ! Où ! Terrorisme ! Paur ! Paur ! "

E l'òmi de las cavèrnas torna far de fuòc amb dos tròçes de boès aigats.

  • 6
  • 0

Escriu un comentari sus aqueste article