Bandièra01 capçalera  1180x150: Novestivada

Actualitats

Hong Kong: de desenats de ferits dins d’afrontaments amb la polícia

Los incidents esclatèron quand la polícia assagèt d’evacuar los mercadièrs ambulants sens brevet mentre que se festejava l’An Nòu chinés

A Hong Kong, una operacion policièra contra los mercadièrs ambulants s’acabèt dimars passat amb qualques desenats de personas feridas, dont 90 policièrs. Se tracta dels incidents de carrièra pus grèus de la vila dempuèi las manifestacions pròdemocracia de 2014.
 
Las susmautas se debanèron dins lo quartièr de Mongkok, un dels mai densament poblats, quand los abitants de l’èx-colònia britanica festejavan l’An Nòu chinés. Dins los imatges difusats per la television se pòt veire de policièrs tirant de fuòc real en l’aire per assajar d’espantar los manifestants que lor lançavan de caladas e que cremavan d’escobilhas per carrièras.
 
La polícia tirèt almens dos còps en l’aire, una causa fòrça estranha dins aquela region semiautonòma de China, segon divèrses mèdias. Los incidents esclatèron quand la polícia assagèt d’evacuar los mercadièrs ambulants sens brevet, que fòrça d’eles prepausavan de manjar.
 
 

 
 
 
 
 
 
 
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

L'imperi dirigit per una figura geometrica de cinc costats ,continua sa guerra mediatica, ara li ha tocat a la Xina.

  • 1
  • 0

Escriu un comentari sus aqueste article