Actualitats
Daissatz-nos tornar: los insulars de Chagos contan son istòria
Fa aperaquí 50 ans, las autoritats britanicas qu’administran aquel archipèla de l’Ocean Indian, revendicat per la Republica de Maurici, deportèron la populacion per bastir una basa militara estatsunidenca
Per John Ahni Schertow, fondador e coordenaire d’IC Magazine, que ne parla bèl primièr, Let Us Return (Daissatz-nos tornar) es un documentari brèu, contat per los insulars de Chagos, sus lor expulsion de lor país e sus lor lucha per i tornar.
Entre la fin dels ans 1960 e lo començament dels ans 1970, tot l’archipèla de Chagos foguèt voidat de sa populacion nativa per lo govèrn britanic, per tal que la marina dels EUA i poguèsse bastir una basa dins l’illa mai granda, Diego Garcia. Uèi, gaireben 50 ans après aqueles eveniments, la comunautat de Chagos encara viu una vida de patiment e de tristesa. Son a far campanha per poder tornar dins lor país. Aqueste filme explica lor istòria actuala a partir dels efièches del passat e lor desir de tornar a l’ostal.
Lo filme consistís en 25 entrevistas enregistradas demièg la comunautat de Chagos, que viu al Reialme Unit, entre las annadas 2014 e 2015. Lo documentari ofrís un regard singular sus los eveniments traumatics que la comunautat los patiguèt durant sa deportacion, e la grèva violacion de dreches umans de part del govèrn britanic, que fins a uèi encara es pas estada corregida.
Es un documentari d’Andy Marsh e de la comunautat de Chagos del Reialme Unit. Per ne saber mai, vesitatz chagossupport.org.uk.
Aqueste article es adaptat de Nationalia amb qui Jornalet a un acòrdi de cooperacion. L’article original en anglés se publiquèt sus IC Magazine
Entre la fin dels ans 1960 e lo començament dels ans 1970, tot l’archipèla de Chagos foguèt voidat de sa populacion nativa per lo govèrn britanic, per tal que la marina dels EUA i poguèsse bastir una basa dins l’illa mai granda, Diego Garcia. Uèi, gaireben 50 ans après aqueles eveniments, la comunautat de Chagos encara viu una vida de patiment e de tristesa. Son a far campanha per poder tornar dins lor país. Aqueste filme explica lor istòria actuala a partir dels efièches del passat e lor desir de tornar a l’ostal.
Lo filme consistís en 25 entrevistas enregistradas demièg la comunautat de Chagos, que viu al Reialme Unit, entre las annadas 2014 e 2015. Lo documentari ofrís un regard singular sus los eveniments traumatics que la comunautat los patiguèt durant sa deportacion, e la grèva violacion de dreches umans de part del govèrn britanic, que fins a uèi encara es pas estada corregida.
Es un documentari d’Andy Marsh e de la comunautat de Chagos del Reialme Unit. Per ne saber mai, vesitatz chagossupport.org.uk.
Aqueste article es adaptat de Nationalia amb qui Jornalet a un acòrdi de cooperacion. L’article original en anglés se publiquèt sus IC Magazine
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari