Actualitats
Comença un cicle de conferéncias musicalas sus las diaspòras africanas a Marselha
Entitolat “Lei camps de l’exili”, es organizat per l’Ostau dau País Marselhés en partenariat amb d’autras associacions
L’Ostau dau País Marselhés met en valor las istòrias de la diaspòra africana a Marselha, “d’istòrias de còps oblidadas, sovent mespresadas, e que fan pasmens partida de nòstra istòria comuna”. Es per tant que, en partenariat amb las associacions Afara e Capoeir’art, n’organizan un cicle de conferéncias musicalas.
Conferéncia musicala sus la verges negras
Per començar aquel cicle, dissabte que ven se tendrà una conferéncia musicala sus las verges negras de Marselha, dont las dichas “negressas egipcianas”, doas femnas d’origina mameloc, de la primièra comunautat negra de la Ciutat Focèa, menadas per Napoleon, que foguèron linchadas e massacradas. L’eveniment se tendrà amb d’oracions, de cants, de còrs e de percussions.
D’autres tèmas que se tractaràn seràn: Marselha coma pòrt negrièr (23 d’abril), lo libre Le Banjo de Claude Mckay (28 de mai) e lo libre Letres à une Noire de Françoise Ega (1r de julhet). Lo cicle se clavarà lo 12 de març a l’ocasion de la fèsta de l’independéncia de l’Illa Maurici, amb un concèrt de cants de resisténcia dels ans 1970 a carga del grop RAME (Reünion, Auvèrnhe, Maurici, Marròc).
Podètz trobar mai d’informacions sul sit de l’Ostau dau País Marselhés: www.ostau.net.
Conferéncia musicala sus la verges negras
Per començar aquel cicle, dissabte que ven se tendrà una conferéncia musicala sus las verges negras de Marselha, dont las dichas “negressas egipcianas”, doas femnas d’origina mameloc, de la primièra comunautat negra de la Ciutat Focèa, menadas per Napoleon, que foguèron linchadas e massacradas. L’eveniment se tendrà amb d’oracions, de cants, de còrs e de percussions.
D’autres tèmas que se tractaràn seràn: Marselha coma pòrt negrièr (23 d’abril), lo libre Le Banjo de Claude Mckay (28 de mai) e lo libre Letres à une Noire de Françoise Ega (1r de julhet). Lo cicle se clavarà lo 12 de març a l’ocasion de la fèsta de l’independéncia de l’Illa Maurici, amb un concèrt de cants de resisténcia dels ans 1970 a carga del grop RAME (Reünion, Auvèrnhe, Maurici, Marròc).
Podètz trobar mai d’informacions sul sit de l’Ostau dau País Marselhés: www.ostau.net.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari