Bandièra01 1180x150: Comuna de Tolosa

Actualitats

Escòcia analisa se deu proclamar l’independéncia en cas que lo Reialme Unit vòta de “non” a l’Union Europèa

L’SNP es a estudiar se cal proclamar dirèctament l’independéncia en cas que lo “non” a l’Union Europèa ganha al referendum de junh que ven en Anglatèrra e non pas en Escòcia

| Calum Hutchinson
L’èx-dirigent del Partit Nacional Escocés (SNP), Gordon Wilson, a iniciat una campanha per demandar al govèrn escocés de proclamar dirèctament l’independéncia en cas que lo “non” a l’Union Europèa ganha al referendum de junh que ven en Anglatèrra, mas non pas en Escòcia, e en provocant pasmens la victòria del “non” per tot lo Reialme Unit. “Declarar l’independéncia seriá lo sol biais possible d’obténer que la volontat dels escoceses de contunhar de far partida de l’Union foguèsse respectada”.
 
L’SNP a anonciat qu’analisarà aquela proposicion. Pasmens, la postura oficiala del partit es que se lo “non” a l’Union Europèa ganha en Anglatèrra, e non pas en Escòcia, çò que caldriá seriá de convocar immediatament un nòu referendum d’independéncia. Los sondatges mòstran que los cinc milions d’escoceses son partisans de restar dins l’Union Europèa mas eles representan una minoritat davant los 53 milions d’angleses, que forman l’84% de la populacion del Reialme Unit.
 
Gordon Wilson foguèt lo cap dels nacionalistas escoceses dins los ans 1980 e es un dels partisans mai insistents de l’independéncia.
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
4.

És una de les idees mès intel,ligents que he sentit els últims temps, que tohom en pensi alguna de semblant, potser, qui sap, alhomillor, ens en sortim.
Em d'ésser mès intel.ligents tal com el l'SNP.
Visca la Terra...Lliure!
"El Tàrrega".

  • 0
  • 0
Bruce Wayne Gotham City
3.

#1 Escòssia deu procalmar son independéncia, qué que ne vire…

  • 3
  • 0
francesc Palma de Mallorca
2.

Que non, han de se facer independents se la gran bretanha vol continuar en mans dels banquiers privats. Escocia sempre liura.

  • 4
  • 0
Clark Kent Daily Planet - Metropolis
1.

Escòcia analisa se deu proclamar l’independéncia en cas que lo Reialme Unit vòta de “non” a l’Union Europèa. E Occitania, non analiza se deu proclamar l'independénica en cas que lo Riealme Colonial de França (que se pren per una republica) vòta de "non" a l'integracion incondicionala de Catalonha independenta a l'Union Europèa ?

  • 17
  • 1

Escriu un comentari sus aqueste article