Bandièra01 1180x150: Comuna de Tolosa

Actualitats

Un centenat de manifestacions en Euròpa tota per defendre los dreches dels refugiats

“Los refugiats fugisson la guèrra, las persecucions e la fam, de situacions que los govèrns de l'Union Europèa ne son dirèctament responsables”, çò dison los manifestants

| Stop Mare Mortum
En seguida de la grèva crisi dels refugiats que se viu en Euròpa dempuèi l’an passat, e a causa de l’inaccion de l'Union Europèa, de centenats de collectius e d’entitats de fòrça païses europèus an fach una crida a se mobilizar en defensa dels dreches de las personas que fugisson lors sieus païses en conflicte. Amb lo lèma commun “Exigissèm de vias seguras”,  aquesta dimenjada un centenat de manifestacions  an agut luòc dins mai de vint païses per una Euròpa “umana e solidària, non solament responsabla e fidèla a la legalitat e al drech uman d’asil, mas tanben que reconesca sa responsabilitat dins lo drama de las personas refugiadas”.
 
Segon lo manifèst de las entitats qu’an cridat a manifestar, “los refugiats fugisson la guèrra, la persecucion e la fam, de situacions que los govèrns de l'Union Europèa ne son dirèctament responsables per lor complicitat amb los actors de païses tèrces implicats dirèctament dins lo conflicte, per lo comèrci de las armas e per las intervencions militaras dins los païses d’origina”.
 
Totas las manifestacions an exigit que s’establiscan de rotas seguras e legalas, per que las personas que devon quitar lor país sián aculhidas en Euròpa amb dignitat e que pastiscan pas lo periple de i arribar a travèrs de las màfias e de viatges perilhoses. Mai d’un milion de personas atenguèron l'UE l’an passat per la mar Mediterranèa, ont se calcula que mai de 3700 i moriguèron. Ongan, en 2016, son ja arribats 73 000 refugiats malgrat las duras condicions metereologicas. Mai de 410 son mòrts o desapareguts.
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
4.

#3 Mèfi, Peter! Qu'a mai de te dire islamofòb te van reprochar de pas èsser pedofil. Es qu'es una cultura diferenta, los cal comprene, nos pòdon ensenhar fòrça causas, eca, eca... Disi pas que non per d'unes qu'emai son dobèrts a nosautres. N'i a que quitament an una fatoà que lor penja sul cap coma l'espasa de Damocles. Empacha pas mens que i a los autres que son pas ges dobèrts e que nos demandon de nos plegar a lors capricis. Es que es enebit de ne parlar?

  • 3
  • 9
Peter Nollet Brussèlas
3.

15 vots negatius ! Aquò me fa plaser. Donc 15 personas que son contra lo maridatge d'enfants ?

  • 1
  • 11
francesc Palma de Mallorca
2.

Francament ,es cert que l'UE es culpabla de far la guerra en siria e d'ajudar a l'EI. Mas ara que los russos estan recuperan molts de territoris que estaven en mans del terroristes, haurien de tornar a son país e se cal lutar contra los invasors d'EI.

  • 2
  • 6
Peter Nollet Brussèlas
1.

Un dels dreches dels refugiats reconeguts es lo regropament familial. Aital, cinc "femnas" sirianas son estadas reunidas amb lors òmes qu'èran ja en Olanda. Doás an 13 ans, doás 14 e una 15 (informacion de l'organisacion audiovisuala publica en Olanda). Dreches dels refugiats o dreches dels enfants, es una causida facila per l'Euròpa multiculturala, non ?

  • 3
  • 23

Escriu un comentari sus aqueste article