Actualitats
La Glèisa catolica francesa reafirma las siás posicions contra lo maridatge e contra l’adopcion demest los omosexuals
A l’ocasion de la fèsta de l’Assompcion, celebrada ièr dimècres, se legiguèt una pregària dins la majoritat de las glèisas de l’Estat, remembrant l’oposicion de l’episcopat francés a doas reformas volgudas per François Hollande.
Segon l’AFP, la glèisa de Nòstra Dòna de París inaugurèt dimars de ser, vèspre de l’Assompcion, la pregària universala prepausada pel cardinal André Vingt-Trois. Al moment d’una granda messa celebrada mitat en francés, mitat en latin, se legiguèt per lo primièr còp lo messatge que seriá legit l’endeman per totas las glèisas catolicas de l’Estat francés: s’apelèt a pregar per “los que son estats recentament elegits, per que lo lor sens del ben comun de la societat ganhe sus las comandas particularas”, “per que las familhas a l’espèra legitima d’un sosten de la societat sián pas decebudas”, e “per que los enfants quiten d’èsser d’objèctes dels desirs e dels conflictes dels adultes per beneficiar plenament de l’amor d’un paire e d’una maire”.
Aquelas posicions de la Glèisa catolica an sustot marcat per la dimension politica que compòrtan, mai que mai dins un Estat dich laïc, fàcia a la question del maridatge e de l’adopcion per de parelhs omosexuals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dempuèi sas orignias, la gleisa catolica considèra lo plaser sexual coma colpable. Los paires de la gleisa disián ja que "lo còs es corruptible e qu'apesantís l'anma". Totes los "pecats" pòdon èsser comeses en tot contunhar, mai o mens, de pensar, de pensar a Dieu, e mai se çò que pensam es que fasèm çò que vòl, El. Mas quora practicam lo plaser sexual, quitam de pensar, a Dieu, a Diable, a qué que siá mai. Es per aiçò que los primièrs crestians an adralhat lo plaser sexual cap a l'exclusiva volontat de "créisser e multiplicar", volontat siá disent "de Dieu". Per mestresar lo plaser, l'an endralhat dins la ret conjugala. Fa que se los escotam, practicam la sexualitat sonque per obténer la reproduccion e fondar familha. Doncas ven melhor d'esposar qualqu'un qu'aimam pas, ja qu'aital, concebrem, e basta ! Urosament que los "crrestians" an pas gaire escotat ni seguit de cap en cima totes aquestes fòls ! Mas lo mal èra fait.
Perqué la gleisa condemna los omosexuals ? Per amor que se faràn l'amor per una autra finalitat que la de concebre d'enfants. Es per la meteissa rason que condemnan tanben l'usatge la contracepcion, ja que permet de practicar la sexualitat sens concebre de dròlles. Lo plaser, tre qu'es pres per una finalitat, es diabolizat per la gleisa. A partir de presupausats aital, qué volètz esperar, quand sètz omosexual, de la part del la gleisa catolica ? Es vos pòt pas salvar, fisicament e/o psiquicament, sètz fòra-nòrma, doncas diabolics. Los catars, eles, auriá remembrat a qual o voliá entendrre, que los "mantèls de carn e las anecdòtas de la vida vidanta" s'equivalián totes, e que l'esperit pnimai Dieu an pas d'identitat sexuala. Los an cremats per mens qu'aquò. Mas plan segur, cal pas confondre anma (que vos identifica moralament coma persona) e esperit (part divinal etèrne que cadun a en son si), soleta causa que valga pena de s'i virar cap e cap per se "salvar". L'esperit es apersonal e assexual. aquí, cap mai discriminacion, cap mai exclusion fenma/òme, negre/blanc ni omosexual/eterosexuals.
Soi segur que s'un imam musulman auriá parlat contra las femnas o contra los josieus, seriá estat mes en mans de la justícia. Aquel tipe fa un discors per l'omofobia, e es pas processat.
Desolat, mas aimi pas ges la permissivitat de la justícia francesa vèrs la promocion e difusion de l'òdi que fan aqueles catolics.
#1 Segurament la Glèisa a lo drech de s'exprimir per la votz de sos responsables. Es que regimentar los fisèls dins una mèssa nacionala es lo bon biais ?
Efectivament, es un estat laïc, mes la libertat d'expression es (normaument) guarantida. Quan l'Abbé Pierre hasó son aperet en 1954, l'i avem pas reprochat son apartenéncia a la Glèisa catolica. Avem pas lo dret de refusar a un grop de s'exprimir pr'amor de las soas conviccions.
A la basa, la lei de 1905 de separacion de las Glèisas e de l'Estat es aquí per prohibir lo finançament deus cultes per l'Estat.
Un article (en francés) per compréner un chic mei : http://www.maitre-eolas.fr/post/2012/08/15/Pour-en-finir-avec-la-laïcité
Soi atèu, soi a favor deu maridatge deus omosexuaus, mès cresi que la Glèisa, qui ei auposada, a lo dret d’ac díser, susquetot dins los sons locaus. Doncas pas arren de susprenent aquiu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari