Actualitats
Seol: una manifestacion d’ologramas denóncia las restriccions a la libertat d’expression
Amb aquela accion, Amnistia Internacionala vòl denonciar la repression e l’enebiment de las manifestacions que mena lo govèrn de la Corèa del Sud
Amnistia Internacionala menèt a tèrme la setmana passada una manifestacion d’ologramas davant l’Ostal Blau al centre de Seol (Corèa del Sud). Los policièrs agachavan estonats de desenats d’ologramas que revendicavan lo drech de manifestar en libertat. Los ciutadans avián mandat a l’ONG de vidèos, d’imatges e de sons, per bastir aquela protèsta originala.
Amb aquela protèsta, se vòl denonciar que, après lo tragic naufragi del fèrri Sewol en 2014, lo govèrn de la presidenta Bak Geunhye (Park Geun-hye) a reprimit e enebit divèrsas manifestacions dins aquel endrech de la vila e mai que mai sus la plaça de Gwanghwamun. Entre genièr e octòbre de 2015, mai de l’80% de las manifestacions programadas recebèron pas l’aprobacion de las autoritats e las paucas que se tenguèron foguèron durament reprimidas per la polícia. Justament, l’activista Baek Nam-gi es dins lo còma a causa d’un canon d’aiga de la polícia sud-coreana e Amnistia Internacionala ne demanda sas responsabilitats al govèrn.
Aquela manifestacion s’es inspirada d’una autra manifestacion d’ologramas que se tenguèt arunan a Madrid, contra una lei de seguretat ciutadana fòrça repressiva que lo govèrn de Mariano Rajoy a mesa en plaça en Espanha.
Amb aquela protèsta, se vòl denonciar que, après lo tragic naufragi del fèrri Sewol en 2014, lo govèrn de la presidenta Bak Geunhye (Park Geun-hye) a reprimit e enebit divèrsas manifestacions dins aquel endrech de la vila e mai que mai sus la plaça de Gwanghwamun. Entre genièr e octòbre de 2015, mai de l’80% de las manifestacions programadas recebèron pas l’aprobacion de las autoritats e las paucas que se tenguèron foguèron durament reprimidas per la polícia. Justament, l’activista Baek Nam-gi es dins lo còma a causa d’un canon d’aiga de la polícia sud-coreana e Amnistia Internacionala ne demanda sas responsabilitats al govèrn.
Aquela manifestacion s’es inspirada d’una autra manifestacion d’ologramas que se tenguèt arunan a Madrid, contra una lei de seguretat ciutadana fòrça repressiva que lo govèrn de Mariano Rajoy a mesa en plaça en Espanha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A Corea del Sud i ha tanta libertat com hi puga haver a las pitjors dictaduras del mond.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari