Bandièra01 capçalera  1180x150: Novestivada

Actualitats

La Val d’Aran correrà dimenge per l’egalitat de genres

Dos jorns abans del Jorn Internacional de las Femnas, la 3a edicion de la “Corsa dera Hemna ena Val d’Aran” cèrca “arreconéisher er esfòrç partejat per hemnes e òmes en favor dera justícia sociau”

| Conselh Generau d'Aran
Aran correrà dimenge per l’egalitat de genres. La 3a edicion de la “Corsa dera Hemna ena Val d’Aran” se tendrà aqueste dimenge, 6 de març e las inscripcions son dobèrtas en linha. Se presenta coma “ua corsa-caminada damb un naut perfil simbolic, entà arreconéisher er esfòrç partejat per hemnes e òmes en favor dera justícia sociau e peth camin qu’encara cau córrer entà arténher era egalitat efectiva”.

Atal, amb un eveniment esportiu e revendicatiu a l’encòp, lo Servici d’Informacion e Atencion ara Hemna (SIAH) deth Conselh Generau d’Aran organiza cada annada divèrses actes per revendicar l'egalitat d’oportunitats entre genres.

La corsa es dobèrta a” hemnes, òmes, mainades e mainatges”.


Per l’eliminacion de la violéncia contra las femnas

Lo govèrn d’Aran a mostrat signes de sensibilitat per la lucha feminista, çò que vòl dire la lucha pels dreches. En novembre passat, organizèt una seguida d’actes per commemorar lo Jorn Internacional per l’Eliminacion de la Violéncia contra las Femnas, que se celèbra cada 25 de novembre. En mai d’aquò se presentèt un Protocòl d’Intervencion en cas de violéncia de genre en Val d’Aran.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article