Actualitats
Cauma generala del 9 de març: las protèstas en Occitània
Prepausam una lista de las 57 vilas del país ont i a de recampaments previstes contra la nomenada Lei del trabalh
Après las reformas del trabalh en Alemanha, en Espanha e en Itàlia, lo govèrn francés de Manuel Valls a efectuat una proposicion de lei, coneguda coma “Lei del trabalh” o “Lei El Khomri”, dins la linha de çò que marca la tròica. Aquesta reforma se ditz voler “protegir los salariats, favorir l’emplec e donar mai de marge de manòbra a la negociacion en entrepresa”. Dins la practica, manten la setmana de 35 oras, mas facilita los licenciaments, permet d’esperlongar la durada de la jornada de trabalh sens besonh d’un acòrdi amb los trabalhaires, e permet de far demenir la remuneracion de las oras suplementàrias.
Se prevei una cauma generala seguida, puèi que las peticions en linha contra la reforma despassan lo milion e mièg de signaturas. La protèsta se manifèsta tanplan sus Internet amb l’etiqueta #OnVautMieuxQueCa (valèm mai qu’aquò). La campanha l’an lançada un grop de YouTubaires e de blogaires que n’an fach un vidèo.
Per luchar contra aquel projècte de lei, l’intersindicala qu’amassa la CGT, FO, la FSU, Solidaires, l’UNEF, l’UNL e la FIDL a convocat una cauma generala deman, 9 de març. En Occitània, i a de recampaments previstes dins 57 vilas.
Se prevei una cauma generala seguida, puèi que las peticions en linha contra la reforma despassan lo milion e mièg de signaturas. La protèsta se manifèsta tanplan sus Internet amb l’etiqueta #OnVautMieuxQueCa (valèm mai qu’aquò). La campanha l’an lançada un grop de YouTubaires e de blogaires que n’an fach un vidèo.
Per luchar contra aquel projècte de lei, l’intersindicala qu’amassa la CGT, FO, la FSU, Solidaires, l’UNEF, l’UNL e la FIDL a convocat una cauma generala deman, 9 de març. En Occitània, i a de recampaments previstes dins 57 vilas.
| Agen (Agenés) | 10h | Prefectura |
| Ais de Provença (País d'Ais) | 17h | Pl. de la Rotonda |
| Albi (Albigés) | 12h | Pl. del Vigan |
| Arle (Camarga) | 10h | Pl. de la République |
| Aubenàs (Vivarés Bas) | 12h | Le Kiosque |
| Aush (País d’Aush) | 11h30 | Prefectura |
| Avinhon (Comtat Venaicin) | 17h30 | Prefectura |
| Baiona (Baish Ador) | 10h | Pl. Senta Ursula |
| Banhòus de Céser (Garrigas) | 18h | Pl. de la Pòsta |
| La Bastida de Seron (País de Fois-Seron) | 14h | Comuna |
| Bordèu (La Grava) | 13h | Pl. de la Victòria (matin: licèus) |
| Brageirac (Brageiragués) | 17h30 | Palais de Justícia |
| Briva (País de Briva) | 14h | Pl. Thiers |
| Caors (Carcin Blanc) | 11h30 / 13h | Pl. Mitterrand / Bd. Gambetta |
| Carcassona (Carcassés) | 12h | Prefectura |
| Castras (Castrés) | 12h | L'Albenca |
| Caubós (Comenge) | 14h | Comuna |
| Lo Chailar (Bacin de la Sala) | 10h | Comuna |
| Clarmont-Ferrand (Limanha) | 13h | Pl. Delille |
| Dinha (Preaups de Dinha) | 11h | Pl. du Général de Gaulle |
| Draguinhan (Draguinhanenc) | 11h30 | Sosprefectura |
| Fijac (Limarga) | 14h30 | Sosprefectura |
| Fois (País de Fois-Seron) | 17h | Monument de la Resisténcia |
| Gap (Gapencés) | 13h | Prefectura |
| Garait (Nauta Marcha) | 16h | MEDEF |
| Lemòtges (País de la Vinhana) | 11h20 | Carrefour Tourny |
| Lengon (Vasadés) | 11h30 | Pl. de la République |
| Mamisan (Bòrn) | 10h | Pl. des Ormes |
| Marselha (País Marselhés) | 11h30 | Pl. du Général de Gaulle |
| Milhau (Causse de Larzac) | 17h30 | Pl. du Mandarou |
| Montalban (Bas Carcin) | 11h | Prefectura |
| Lo Mont de Marsan (Lanas Petitas) | 11h / 15h | Prefectura |
| Montelaimar (Vaudaina) | 17h30 | Teatre |
| Montluçon (Boscatge Borbonés) | 17h | Sosprefectura (matin: licèus) |
| Montpelhièr (Montpelhierenc) | 12h / 14h | Prefectura / Gara Sant Ròc |
| Niça (Costiera Niçarda) | 13h | Pl. Garibaldi |
| Nimes (Costiera de Nimes) | 13h | Site Vauban |
| Niom (Baroniás Daufinencas) | 14h | Pl. de la Libération |
| Orlhac (Castanhau) | 14h | Pl. des Droits de l'Homme |
| Pàmias (Agarnagués) | 11h | Pl. de la République |
| Pau (Bearn) | 12h30 | Prefectura |
| Peireguers (Peiregòrd Centrau) | 11h30 | Palais de Justícia |
| Lo Puèi de Velai (Velai) | 12h | Prefectura |
| Rodés (Leveson Rodanés) | 17h30 | Bd. de la République |
| La Sala (Bacin de la Sala) | 17h30 | 20 Carrièra Emma Calve |
| Sent Lari e Sola (Vath d’Aura) | 8h30 | Gara deth Teleferic |
| Sent Gaudens (Comenge) | 17h30 | Pl. Joan Jaurés |
| Sarlat e la Canedat (Peiregòrd Negre) | 16h | Pl. de la Grande Rigaudie |
| Sophia-Antipolis (Vencenc) | 12h | Foyer des Jeunes Travailleurs |
| Tarba (País de Tarba) | 11h | Comuna |
| Terrasson (Peiregòrd Negre) | 17h | Pl. Marcel Paul |
| Tolon (Tolonenc) | 11h30 | Pl. de la Liberté |
| Tolosa (Tolosan) | 11h30 | Pl. Joana d'Arc |
| Valença (Valentinés) | 11h | Prefectura |
| Vichèi (Limanha Borbonesa) | 17h | Prefectura |
| Vilafranca de Roergue (Tèrrafòrt) | 17h30 | 6 Av. de Carcin |
| Vilanuèva d'Òlt (Naut Agenés) | 14h | Pòrta de París |
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una de mai a Narbona a la Jos prefectura de 11°30 a 13 oras.
Cal estar units los trabalhador. Cal se bolegar. Cal luchar. Cal se mobilizar. França pot aturar las reformas dels reacionaris, banquiers, e portador de la miseria.
Per Carcassona lo 9 de març : Per nosautres, los "Sens-dents" (salariats paures, caumaires, retirats, joves, precaris, paísans paures, intermitents, eca...) aquel 9 de març a Carcassona, anem contra la lei Gattaz-Hollande-Valls-Macron-El Khomri e totas las regressions socialas lo dimècres 9 de març per 12 oras davant la permanéncia del deputat Jean-Claude Perez, 2 carrièra Barbès a Carcassona.
"N'i a pas de salvador suprèm, ni dieu, ni senhor, ni tribun"
Per la Revolucion sociala e libertària, los Sens-dents de la Nauta-Valada d'Aude
d'estudiants de vint ans que vòlon la seguretat de l'emplec, que somnian d'èstre fonccionaris, la retirada a partir de quinze ans, quent espectable pietadós ! e la libertat d'entreprene e lo risc ligat a tota vida umana e lo progrès que nos permete un nivèu de vida que nos envejan pòbles d'Africa e dau mejan-orient ? aquelei milions que nos envaïsson e que vòlon viure coma lei privilegiats que siam, perque totei leis invencions qu'avèm fachas an multiplicat per cent, per mil lei bens de consum, lo confòrt e la santat ! non, retorn a-tota-zuèrta vers l'URSS e la dictatura dau proletariat.. e lei proletaris son de sectators de Bafomet, empatolhats dins una retrograda guerra de religions e un remake de la conquesta musulmana dau mond dau VII° sègle...
Enguera una manifestacion contre quauqu'a ren, contre una lei. Me, sostene la manifestacion.
Mas, l'òm pòd se pausar la question : perque lo pòple es pas capable de prepausar un program politic de remplaçament? Quò es pas solament un problem de salaris. N'i a pron de las brimadas au trabalh, de las rivalitats, de l'arcelement, dau decopatge dau trabalh en boccins. Autre còp sufisia de norir, lotgear, vestir per esser uros. Uei, los jòunes faran passar "esser uros" avant lo salari.
Perque en Franca l'òm parla totjorn d' inegalitats socialas e jamai d'inegalitats regionalas?
Podan ben far l'Europe si volan mas si an decidats que l'economia es facha per l'Europe dau nòrd e solament per ela, los occitans aura mas las mietas dau gateus e dins Occitania lo Massif Centrau aura mas las mietas de las mietas.
Tot aquò se passa dins l'encastre d'una crisa economica en occident, d'una crisa tecnologica (e l'ecologia en es la pròba), d'una crisa politica (autoritarisme, centralisme, absença de democracia).
Me sembla qu'i a aqui matiera a soscar per los occitanistes pus leu de segre çò que los autres fan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari