Bandièra01 1180x150: Comuna de Tolosa

Actualitats

L’armada de Turquia ataca de posicions curdas en Iraq

Las autoritats turcas justifican aquel atac coma responsa de l’atemptat que dimenge tuèt 37 personas e ne feriguèt 125 al centre d’Ankara

La fòrça aeriana de Turquia ataquèt ièr qualques posicions curdas dins l’estat iraquian, segon çò que raporta l’agéncia turca d’informacions Anadolu. En mai d’aquò, an detengut un trentenat de personas en una operacion contra lo PKK. Las autoritats turcas justifican l’atac e las detencions coma responsa de l’atemptat que dimenge de ser tuèt 37 personas e ne feriguèt 125 al centre d’Ankara. S’agís del segond massacre al còr de la capitala curda en mens d’un mes. L’atemptat precedent foguèt revendicat per un grop armat curd nomenat Falcons de la Libertat de Curdistan (TAK).
 
Après l'atemptat de dimenge a Ankara s'establiguèt un vèto informatiu. Un jutge enebiguèt la difusion de quin tipe d’informacion que siá, mai que mai sus Facebook e sus Twitter. Lo president del país, Recep Tayyip Erdoğan, diguèt dins un comunicat que l’atac èra una temptativa per devesir Turquia e avertiguèt que renonciarián pas a son drech a la legitima defensa contra la menaça terrorista. L’OTAN e l’Union Europèa manifestèron sa solidaritat amb Turquia, ont se viu dempuèi qualques meses en estat d’alèrta maximala.
 
Lo govèrn turc soslinha que los atemptats son l'òbra del Partit dels Trabalhadors de Curdistan (PKK) e per tant l'aviacion militara turca efectua de multiples atacs contra los curds, tant dins l’estat turc coma dins l’estat sirian o iraquian.
 
Las ostilitats entre l’estat turc e lo PKK reprenguèron en julhet. Lo PKK decidiguèt de metre fin a la trèva unilaterala declarada fa mai de dos ans, après d’atacs de l’armada turca contra de posicions curdas. Lo PKK considerèt que l’estat turc voliá pas avançar dins las negociacions, e mai qu’agredissiá, e que fasiá pas res per evitar las agressions contra los curds, en tot profechar del conflicte en Siria e Iraq.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
2.

La Trinca cantava:
Quan es rifen garrotades
tenen tots els bitllets!
Aquò pels catalans; se pòt dire dels Curdes tanben. E los estats que faguèron las frontièras nècias que ne pagamtotes lo prètz ara contunhan de lor negar lo drech a un estat.

  • 0
  • 0
francesc Palma de Mallorca
1.

Turquia lo país qu'es la vergogha del mond.

  • 1
  • 0

Escriu un comentari sus aqueste article