CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 22 d'agost

Actualitats

Dimècres, 16 de març de 2016, 03h00 Reportatge,Internacional

Cinc ans de la guèrra en Siria

Se remembrava ièr lo cinquen anniversari de la guèrra en Siria, un conflicte qu’a l’ora d’ara a ja provocat 270 000 mòrts e mai d’onze milions de refugiats


Comentaris 3 comentaris    
Marrit Flac Bon Plan bon Fabulós (3 vòtes)
carregant En cargar


Lo 15 de març de 2011, en seguida de la detencion e tortura d’un grop d’adolescents a Deraa, qu’avián fach de tags contra lo govèrn del President Bashshar Al Asad, començava una ondada de manifestacions pacificas en Siria, que seguissián la nomenada Prima Aràbia, un encadenament de protèstas per la democracia qu'aviá començat en Tunisia en decembre de 2010.
 
Aquelas manifestacions avián vengut en Siria de mai en mai multitudinàrias, manifestacions que demandavan dirèctament la demission d’Al Asad e la democracia. Al Asad cedèt pas, la repression foguèt brutala. Una partida, ça que la, de l'armada siriana desertèt per menar la rebelion armada contra la repression armada. Lo 29 de julh de 2011 s'anoncièt la creacion de l'Armada Siriana Liura, l'ASL, que dos meses aprèp fusionèt amb lo Movement dels Oficièrs Liures.

A tot aquò lo 15 de setembre de 2011 naissiá lo Conselh Nacional Sirian, coalicion de l'oposicion democratica siriana, reconegut per l'ASL. L'amira del CNS seriá  la creacion d'un estat democratic, civil e modèrne. Foguèt presentat en Turquia,  lo 1r d'octòbre de 2011. E en Turquia demòra encara, vesent la guèrra dempuèi Turquia.

Uèi, aquela armada democratica siriana a pas que lo contraròtle real del Governament de Deraa, que compta amb una populacion de 1 100 000. La populacion de Siria èra de 22 400 000 personas en 2012.

La fòrça dels moderats, dels democratas, dins la Siria de uèi es anecdotica. E 5 ans de guèrra fa que los moderats quitan d'èsser moderats.

Los sirians primièrament coneguèron Al Asad, puèi l'armada democratica de l'ASL, puèi lo terrorisme del jihadisme salafista d'Estat Islamic en Iraq e Levant, puèi lo terrorisme salafista jihadista del Front Al Nosra... Terrorisme “moderat” aquel, per çò que son pas per l'exterminacion dels crestians e dels alauitas, son per sa repression e pro.

 
Un escaquièr complicat

D’un costat i a l’armada del govèrn d’Al Asad que lucha amb lo sosten de Russia, Iran e China. De l’autre l’armada liura e sos aliats, sostenguts per Estats Units, Turquia, França, Reialme Unit,  l’Aràbia Saudita e Qatar. E tanben luchan los curdes, que vòlon un estat. E tanben lucha lo Front Islamic, finançat encara per l'Aràbia Saudita; lo Front Islamic es contra la repression e contra la secularizacion e la democracia... E solide, i a lo plan conegut imperialisme panislamista antioccidental de l'Estat Islamic. L'Estat Islamic es estat capable de recrutar 12 000 voluntaris estrangièrs de 50 païses, dont 700 franceses. Estat islamic es ric en armas pesugas, petròli, gas, e recorses economics.

La guèrra èra començada contra Al Asad, mas ara es l'Estat Islamic, l'enemic a batre. Al Asad, l'assassin de 2011, sembla pas tant assassin en març de 2016. Russia, Iran, China, Canadà... voldrián qu' Al Asad negocièsse. E Al Asad anoncièt en decembre de 2015 que voldriá plan negociar, mas pas amb los terroristas. Los terroristas son los autres.
 

Un país “d'autor”

Cal prene en compte que las frontièras de l’estat sirian foguèron dessenhadas per França e lo Reialme Unit  amb los acòrdis de Sykes Picot en 1916, e que Siria a son govèrn independent dempuèi que França quitèsse la region trenta ans pus tard. En mai d’aquò, cal soslinhar que parlam d’una region estrategica de la produccion e lo transpòrt del petròli e del gas.
 
 
Un còst uman tragic
 
Après cinc ans de guèrra, la situacion es de mai en mai complicada e lo còst uman es fòrça tragic:
 

— mai de 270 000 mòrts a causa del conflicte armat, dont una tresena partida de civils, segon l’Observatòri dels Dreches Umans sirian. Pasmens, i a de rapòrts que parlan de 470 000 mòrts;
 
— mai d’un milion de ferits, segon l’ONG Handicap Internacional;
 
— 13,5 milions de desplaçats a causa de la violéncia, dins un país de 23 milions de personas;
 
— 4,7 milions de sirians qu’an fugit als païses vesins, çò es “la populacion de refugiats mai granda per un conflicte en una generacion” segon lo NACNUR (2,7 milions en Turquia, mai d’un milion en Liban, 630 000 en Jordania, 225 000 en Iraq, 137 000 en Egipte…);
 
— e mai d’un milion de refugiats en Euròpa dempuèi l’estiu passat, lo flux mai important dempuèi la Segonda Guèrra Mondiala.
 
Parallèlament, se calcula que l’economia siriana a reculat de tres decennis e a perdut la majoritat de sas infrastructuras.
 
 
 
 
 



publicitat
BANER1-2-3: DGPL TRADUCTOR



Comentaris

19 de març 10.29h

Jo nomès em pregunto, perquè passa això, com és pot evitar en un furtur, i que en té la culpa.
Darrera el govern sirià hi ha Rusia, i darrera els altres, qui?
Crec que tothom hi ha possat el seu granet de sorra, pequè passi això, si veus com està el Món Àrab, et fas una idea dels motius de tant de odi.
Si el Món vulguès ja fa temps que coses com aquesta no passarien (el cas de Bosnia i Kosovo), no crec que ho hagi voluntat per part de la gent que ho fomenta, d'acabar amb això.
Men... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

16 de març 20.37h

Mai sensilh, lo pentagrama pas musical vol posar missils a la frontiera russa de Siria ,mas es troba amb lo govern siria que es aliat dels russes. Ve't aquí la question.


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

16 de març 17.56h

coma a l'acostumada s'oblida la dimension religiosa d'aqueu conflicte, lei sunnites -moderats ?- vòlon se desbarassar deis chiits e deis alaoitas sècta chiita de Bechar al Assad, es à dire lei convertir o lei massacrar e aquelei lo vòlon pas e se compren. l'Euròpa, un còp de mai pren partit per lei sunnites. un bombardament dau marrit Bachar assassin de son pòble, fai de victimas civilas, un bombardament d'Arabia saodita au Iemen contra lei chiits jamai son planhuts lei moarts, sembla qu... Legir mai


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • © Celèsta Toion

    La plaja espaci de libertat? D'expression?

  • País de Rasés. © Franc Bardòu

    País de Rasés

  • © Laurenç Revèst

    Menton, 'a vivaroalpenca maritima

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Aure Séguier

    Carnaval Biarnés 2017

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Asuèlhs de Garnagués. © Franc Bardòu

    Asuèlhs de Garnagués

  • Gavotina marítima: trofèu d'August e vila vielha d'A Torbia

  • © Franc Bardòu

    Coserans al còr

  • Asuèlhs de Menerbés. © Franc Bardòu

    Asuèlhs de Menerbés

  • © Aure Séguier

    Carnaval Biarnés 2017

  • © Aure Séguier

    Carnaval Biarnés 2017

  • © Conselh Generau d'Aran

    Lo Torn de França 2016 en Aran

  • Estivada 2013. © Guillem Sevilla

    Estivada 2013

  • Mobilizacion a Brelh de Ròia per fin de sostenir lo mantenement de la linha Niça-Coni

    Mobilizacion lo diménegue 25 de mai a Brelh de Ròia per fin de sostenir lo mantenement de la linha Niça-Coni

  • © Laurenç Revèst

    Mónegue

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Asuèlhs comengeses. © Franc Bardòu

    Asuèlhs Comengeses

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


42%



36%



22%



0%




Vots 107 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)