Bandièra01 1180x150: Comuna de Tolosa

Actualitats

Madrid: los suportaires del PSV Eindhoven umílian de femnas que fan l’almòina

Lo president del club de fotbòl a degut far un comunicat per dire qu’identificaràn los responsables

Lo comportament d’un grop de suportaires de l’esquipa de fotbòl PSV Eindhoven, que vesitavan Madrid dimècres passat, a causat una granda indignacion, puèi qu’aquestes s’amusavan en umiliant de femnas que demandavan l’almòina. Dins un vidèo que circula suls rets socials se pòt veire cossí lor lançavan de pèças de moneda pel sòl e cridavan “olé” quand elas se clinavan per culhir l’argent. D’unes lor ne bandissián en las obligant quitament de far de pompas.
 
Los imatges an virat per lo Mond e an causat una granda indignacion, fins al ponch que lo president del PSV, Toon Gerbrands, a degut far una declaracion publica, per dire que lor comportament èra revoltant, que fariá el tot çò possible per identificar aqueles individús e que i auriá “de consequéncias”.
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
2.

Per lo meu vejaire totos los aficionats esportistes son colhós,manco los del Barça, Marelha, Tolosa e Bordeus e la Reial Societat.

  • 0
  • 0
Batko
1.

E jo que cresèvi la butabala rendèva intelligent ...

  • 5
  • 0

Escriu un comentari sus aqueste article