Bandièra01 1180x150: País Invisible

Actualitats

crotz-tolosaCreated with Sketch.GuianaBordalésMedoc

Blancafòrt. A l'esper d'un projècte clar peu sit industriau

Ford tornèt crompar lo sit industriau de Blancafòrt, mès non assegura pas los emplecs

| EG

Situacion complicada peus emplecs deu sit industriau de Ford, uei aperat First Aquitaine Industries (FAI). La societat alemanda que lo comprèt a Ford getèt l'esponja, Ford l'a tornat comprar mes refusa de i tornar botar son logotip e mòstra una abséncia de projècte clar per l'aviéner.


Dinc a 2009 los mèdias e politics locaus pensavan a perennizar los 1600 emplecs deu sit industriau Ford de Blancafòrt. La societat alemanda HZ Holding e lo grop industriau Johann Hay coma partenaris màgers crompèren lo sit Ford dab una prima de 12 milions auferida per l’Estat francés. Las collectivitats locaus, la region e la CUB, s’impliquèren financeirament dens lo projècte. Lo projecte de represa n'èra pas tan clar qu'aquò, vist que los navèths caps hasuren compréner que n'èra pas possible per eths de perpausar tant d'emplecs suu sit, sustot se la societat HZ utilizava la moneda deu sit gascon per ajudar una auta filiala de la societat en Lorena. En abriu 2010 aprenurem oficiaument que las bancas èran tostemps estadas bèth drin reticentas per finançar aqueste investissament. En seteme de 2010, l’equipamentièr automobile alemand Johann Hay getèt l’esponja. 
 
Davant la mauescaduda d'aquera represa, l'estat e las collectivitats voluren trobar una solucion per evitar una navèra catastròfa economica. En 2011 Ford tornèt crompar lo sit FAI. Totas las condicions d'arrecrompas dab l'ajuda deu comitat interministeriau a las Restructuracions Industriaus son enqüera desconeishudas. En 2012, los projèctes ne permèten pas d'assegurar per las annadas a viéner mei de 800 emplecs sus los 1000 promés l'an passat. Uei lo dia, la solucion perpausada per l'industriau es una utilizacion importanta deu caumatge parciau.
 
Lo chepic màger peus sindicalistas qu'es la abséncia de projècte clar per l'aviéner. Sustot que segon lo comunicat de premsa deu sindicat CGT de 3 d'abriu, Ford enregistrèt au mes de març las milhoras ventas de veituras en Estats Units desempuish cinc ans. Totun, Ford investís un chic en Tunisia e en Mexic, mès perpausa cap de projècte plan definit en Occitània.
 
Que pòt semblar simbolic, mès a la dintrada deu sit apareishèva lo logotip gigant de Ford dinc a 2009. Dab la lor represa deu sit, Ford ne vol pas tornar botar aqueth logotip, que peus tribalhadors de Blancafòrt es mei qu'un simple simbèu: que representa la perennitat industriau deu sit dab la preséncia de la firma americana. E lo mond se demandan benlèu si Ford ne vòu pas trop justament se perennisar suu sit.
 
EG
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Tederic Merger Tonens
3.

Oc, Maime, cresi qu'es aquiu que trabalha lo Philippe Poutou.
Endeus qui èran trop joens, aqueste sit de Ford qu'apareishot dens las annadas 70 e estot l'enjoc d'accions politicianas. Obténguer l'implantacion de Ford... La question deu caumatge qu'èra dejà presenta. I avot a Bordèu ua eleccion parciau hort mediatica énter JJSS (Servan-Schreiber) e Chaban-Delmas. Cresi que lo prumèr, "JJSS" que prometeva d'amiar Ford.... N'estot pas eslejut, e totun l'implantacion que's hascot... O me trompi ?
E quant d'argent public botat dens aqueth ahar ?
Morala de l'istoèra : ne pas trop comptar suus investissaires estrangèrs ! Meilèu crear emplecs enrasigats e per petitas unitats. Aisit a diser...

  • 1
  • 0
Eric Bordèu
2.

òc, plan vist

  • 2
  • 0
Maime Limòtges
1.

Es lo sit ente trabalha lo Philippe Poutou ?

  • 2
  • 0

Escriu un comentari sus aqueste article