Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranPujòlo

Aran: lo festenal Pyrenades reüssís sa seisena edicion

Aperaquí 1600 personas an assistit a l’eveniment que prepausa una immersion dins lo patrimòni natural e cultural de la Val d’Aran

Pyrenades, lo festenal aranés del pireneïsme, a conegut un grand succès dins sa seisena edicion. L’eveniment se ten cada annada a l’entorn de Pascas e prepausa als vesitaires d’intrar dins lo patrimòni natural e cultural d’Aran. Ongan Pyrenades a reüssit un nivèl maximal de participacion e d’activitats. Lo festenal prepausa de passejadas, de conferéncias, de musica, de cinèma e d’animacions pels enfants e es estat vesitat per aperaquí 1600 personas.
 
Es ja lo seisen an que lo Musèu del Pireneïsme prepausa aqueste festenal, qu’ongan a presentat un programa vast ont cal soslinhar la 6a Mòstra de Cinèma de Montanha, marcada pel documentari  Aguestes montanhes, que tracta de l’istòria de l’estacion d’esquí de Baquèira e que l'an realizat Ivó Vinuesa e Manel Rocher.
 
Clavèt l’eveniment un concèrt d’Alidé Sans e Paulin Cortial, que faguèron desbordar la sala del PyrenMusèu de Salardú.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article