Cuba-EUA: lo loguièr de Guantánamo
Dempuèi 113 ans, una pichona partida de Cuba es jos contraròtle dels Estats Units, per un loguièr annal que poiriá correspondre a çò que lo còsta mensualament un bon apartament de luxe dins una granda vila.
L’istòria de l’arrendament de Guantánamo es confla de curiositats, e constituís un dels principals escuèlhs pel procès de raprochament que comencèron los dos païses lo 17 de desembre de 2014.
Raúl Castro, president de Cuba, aguèt l’oportunitat de tornar parlar del subjècte amb son omològ, Barack Obama, pendent l’istorica vesita que la realizèt a l’Avana. Èra pas una novetat. Cuba insistís sustot sus dos aspèctes per que la normalizacion de las relacions entre los dos païses, enemics ideologics pendent mai de mièg sègle, s'efectue positivament.
Lo primièr es la fin de l’embargo economic e comercial que los Estats Units impausan a l’illa dempuèi 1961. Lo segond es la restitucion de la basa de Guantánamo, situada dins la region de meteis nom al sud-èst de l’illa, davant la còsta d’Haití, un luòc estrategic de la mar Cariba.
Dempuèi 1903, precisament, quand los Estats Units intervenguèron dins la guèrra de Cuba contra lo reialme d’Espanha per obténer son independéncia lo 1898. Mas lo supòrt foguèt pas gratuit. Dins la primièra Constitucion de la Republica de Cuba, Washington forcèt l’inclusion del nomenat Amendament Platt, qu’establissiá que l’illa demorava obligada de cedir de partidas de son territòri al vesin del nòrd.
S’i reconeissiá la sobeiranetat de Cuba, mas totun se gardava pro d'influéncia per protegir los supausats interèsses estatsunidencs. Aital, lo 16 de febrièr de 1903, los presidents dels dos estats, Tomás Estrada Palma e Theodore Roosevelt, signèron aqueste acòrdi:Cuba cedissiá als Estats Units “pel temps de besonh e per amiras d’estacion navala e d'estacion carbonièra” dos territòris, a Guantánamo e a la Baia Honda. Aqueste darrièr se concretizèt pas jamai.
Dins l’acòrdi se reconeissiá la sobeiranetat de Cuba, mas lo territòri demorèra jos la “juridiccion completa e lo contraròtle” dels Estats Units.
Lo 2 de julhet de 1903, totes dos estats signèron un tractat ont s’especificavan los detalhs de l’arrendament. Per exemple, que los Estats Units prenguèran en carga la mantenença de la barralha. E lo prètz, que foguèra “la soma annala de dos mila dolars en moneda d’aur dels Estats Units”.
Aquela soma èra nauta per l’epòca, mas Cuba i incluguèt pas cap tipe d’ajustament de prètz, de sòrta qu’ara lo loguièr dels 116 quilomètres cairats es infim. Se pòt dire que çò que pagan los Estats Units per Guantánamo es gaireben res. Mai que “gaireben res”, seriá mai exacte de dire “res”. Dempuèi lo trionf de la Revolucion dins l’illa en 1959, Cuba encaissèt sonque un còp lo chèc pel loguièr annal.
Almens aital o assegurèt Fidel Castro a una de las “Reflexions” dins lo jornal Granma l’an 2007, quora èra encara president. “Lo chèc correspondent a 1959, per simpla confusion, foguèt convertit en revengut nacional. Dempuèi 1960 fins a uèi jamai se son pas estats encaissats e demòran coma pròva d’un arrendament impausat pendent mai de 107 ans”. Cuba a totjorn considerat la basa de Guantánamo coma lo rebat de l’imperialisme dels Estats Units, que —de mai granda influéncia— ganhèt una plaça estrategica per sos batèls dins la mar Cariba.
Las relacions se copèron après la Revolucion, mas los Estats Units gardèron Guantánamo. E mai se i aguèt pas jamai de conflicte militar per l’enclavament, s’enregistrèron dins lo passat de pichons afrontaments entre de soldats de totes dos païses. Delà la grilha i a una zòna intermediària, ja a Cuba, que fonciona coma territòri de degun e qu’arribèt quitament d'èsser minada.
Amb lo temps, los Estats Units reinterpretèron los usatges d’estacion navala e carbonièra especificats de l’acòrdi. Coma partida d’aquela novèla interpretacion, se decidiguèt de dobrir en 2002 la preson pels jihadistas dins la basa de Guantánamo, coma clara transgression de las finalitats de la cession del territòri cuban.
Que lo territòri siá de sobeiranetat cubana, mas jos juridiccion dels Estats Units, genèra çò que s'apèla un “trauc negre legal”. Obama aspira a barrar la preson, mas en cap de moment parla de liurar a Cuba lo territòri de Guantánamo. Las autoritats estatsunidencas negan qu’aquò se pòsca complir, e dison que l'afar es pas en discussion, malgrat que l’Avana lo met totjorn sus la taula.
D'autras tèsis juridicas garentisson que, coma lo loguièr es lo fruc d’un acòrdi executiu entre los dos presidents, Obama o poiriá daissar tanben sens efièch se ne conven amb Raúl Castro. En aquel cas seriá manco pas necessària l’aprobacion del Senat. De mai, coma lo loguièr es pas a perpetuïtat, poiriá cessar al moment que Pentagòn reconesca que son usatge es pas mai necessari.
Sembla pas probable que res d’aquò se passe. La restitucion, se capitèsse de se produire, esperarà los govèrns seguents. E los republicans i son pas fòrça favorables. Lo senator republican e èx-candidat a la presidéncia Marco Rubio, d’origina cubana, afirmèt fa pauques jorns, dins un debat, que s’opausava al raprochament e que los terroristas mai perilhoses, los caldriá confinar a Guantánamo.
Ara que los dos païses se sarran, quina valor a vertadièrament Guantánamo pels Estats Units? Un còp barrada la preson, gaireben nada: amb las avançadas tecnologicas, los avitalhaments de batèls dins la baia an pas mai de sens, çò que justifica pas pus la preséncia de la marina americana. Mas pòt èsser un element util per negociar; per tant, es possible que los Estats Units pòscan abandonar Guantánamo en escambi de concessions en d'autres domenis politics.
En fach, la Lei Helms–Burton de 1996 establissiá ja que los Estats Units pòdon far los passes per la restitucion de Guantánamo, amb la condicion que Cuba aja un govèrn democratic —fach qu’indica clarament que la valor militara e estrategica d’aqueste territòri èra ja escassa o nulla.
Pasmens, mentretant, la basa e la preson contunhan de foncionar. Un total de 5.394 personas, entre militars e civils, i trabalhan cada jorn e, per tant, lo Departament del Tresaur dels Estats Units contunha d’enviar los chècs cada an a Cuba. Abans lo 17 de decembre de l’an passat, quora se restabliguèron de relacions diplomaticas e se redobriguèron las ambaissadas, o fasiá a travèrs de la delegacion soïssa. Lo prètz, 4.085 dolars per an, segon lo darrièr ajustament que los Estats Units faguèron en1973.
Cuba encaissa pas los chècs, que s’anullan se s’encaissan pas dins un an. L’argent es adreiçat al Clavaire General de la Republica de Cuba, figura administrativa que, dempuèi d’annadas, fa pus partida de l’estructura del govèrn de l’illa. Mas ont van los sòus que Cuba encaissa pas? Aquò demòra un mistèri de l’administracion nòrd-americana, mas es possible que, quand se signarà l’acòrdi, lo govèrn cuban reclame totas las somas comoladas dels darrièrs cinquanta sièis ans.
Aqueste article es adaptat de Geopolítica.cat amb qui Jornalet a un acòrdi de cooperacion
Dempuèi 113 ans, una pichona partida de Cuba es jos contraròtle dels Estats Units, per un loguièr annal que poiriá correspondre a çò que lo còsta mensualament un bon apartament de luxe dins una granda vila.
L’istòria de l’arrendament de Guantánamo es confla de curiositats, e constituís un dels principals escuèlhs pel procès de raprochament que comencèron los dos païses lo 17 de desembre de 2014.
Raúl Castro, president de Cuba, aguèt l’oportunitat de tornar parlar del subjècte amb son omològ, Barack Obama, pendent l’istorica vesita que la realizèt a l’Avana. Èra pas una novetat. Cuba insistís sustot sus dos aspèctes per que la normalizacion de las relacions entre los dos païses, enemics ideologics pendent mai de mièg sègle, s'efectue positivament.
Lo primièr es la fin de l’embargo economic e comercial que los Estats Units impausan a l’illa dempuèi 1961. Lo segond es la restitucion de la basa de Guantánamo, situada dins la region de meteis nom al sud-èst de l’illa, davant la còsta d’Haití, un luòc estrategic de la mar Cariba.
Dempuèi 1903, precisament, quand los Estats Units intervenguèron dins la guèrra de Cuba contra lo reialme d’Espanha per obténer son independéncia lo 1898. Mas lo supòrt foguèt pas gratuit. Dins la primièra Constitucion de la Republica de Cuba, Washington forcèt l’inclusion del nomenat Amendament Platt, qu’establissiá que l’illa demorava obligada de cedir de partidas de son territòri al vesin del nòrd.
S’i reconeissiá la sobeiranetat de Cuba, mas totun se gardava pro d'influéncia per protegir los supausats interèsses estatsunidencs. Aital, lo 16 de febrièr de 1903, los presidents dels dos estats, Tomás Estrada Palma e Theodore Roosevelt, signèron aqueste acòrdi:Cuba cedissiá als Estats Units “pel temps de besonh e per amiras d’estacion navala e d'estacion carbonièra” dos territòris, a Guantánamo e a la Baia Honda. Aqueste darrièr se concretizèt pas jamai.
Dins l’acòrdi se reconeissiá la sobeiranetat de Cuba, mas lo territòri demorèra jos la “juridiccion completa e lo contraròtle” dels Estats Units.
Lo 2 de julhet de 1903, totes dos estats signèron un tractat ont s’especificavan los detalhs de l’arrendament. Per exemple, que los Estats Units prenguèran en carga la mantenença de la barralha. E lo prètz, que foguèra “la soma annala de dos mila dolars en moneda d’aur dels Estats Units”.
Aquela soma èra nauta per l’epòca, mas Cuba i incluguèt pas cap tipe d’ajustament de prètz, de sòrta qu’ara lo loguièr dels 116 quilomètres cairats es infim. Se pòt dire que çò que pagan los Estats Units per Guantánamo es gaireben res. Mai que “gaireben res”, seriá mai exacte de dire “res”. Dempuèi lo trionf de la Revolucion dins l’illa en 1959, Cuba encaissèt sonque un còp lo chèc pel loguièr annal.
Almens aital o assegurèt Fidel Castro a una de las “Reflexions” dins lo jornal Granma l’an 2007, quora èra encara president. “Lo chèc correspondent a 1959, per simpla confusion, foguèt convertit en revengut nacional. Dempuèi 1960 fins a uèi jamai se son pas estats encaissats e demòran coma pròva d’un arrendament impausat pendent mai de 107 ans”. Cuba a totjorn considerat la basa de Guantánamo coma lo rebat de l’imperialisme dels Estats Units, que —de mai granda influéncia— ganhèt una plaça estrategica per sos batèls dins la mar Cariba.
Las relacions se copèron après la Revolucion, mas los Estats Units gardèron Guantánamo. E mai se i aguèt pas jamai de conflicte militar per l’enclavament, s’enregistrèron dins lo passat de pichons afrontaments entre de soldats de totes dos païses. Delà la grilha i a una zòna intermediària, ja a Cuba, que fonciona coma territòri de degun e qu’arribèt quitament d'èsser minada.
Amb lo temps, los Estats Units reinterpretèron los usatges d’estacion navala e carbonièra especificats de l’acòrdi. Coma partida d’aquela novèla interpretacion, se decidiguèt de dobrir en 2002 la preson pels jihadistas dins la basa de Guantánamo, coma clara transgression de las finalitats de la cession del territòri cuban.
Que lo territòri siá de sobeiranetat cubana, mas jos juridiccion dels Estats Units, genèra çò que s'apèla un “trauc negre legal”. Obama aspira a barrar la preson, mas en cap de moment parla de liurar a Cuba lo territòri de Guantánamo. Las autoritats estatsunidencas negan qu’aquò se pòsca complir, e dison que l'afar es pas en discussion, malgrat que l’Avana lo met totjorn sus la taula.
D'autras tèsis juridicas garentisson que, coma lo loguièr es lo fruc d’un acòrdi executiu entre los dos presidents, Obama o poiriá daissar tanben sens efièch se ne conven amb Raúl Castro. En aquel cas seriá manco pas necessària l’aprobacion del Senat. De mai, coma lo loguièr es pas a perpetuïtat, poiriá cessar al moment que Pentagòn reconesca que son usatge es pas mai necessari.
Sembla pas probable que res d’aquò se passe. La restitucion, se capitèsse de se produire, esperarà los govèrns seguents. E los republicans i son pas fòrça favorables. Lo senator republican e èx-candidat a la presidéncia Marco Rubio, d’origina cubana, afirmèt fa pauques jorns, dins un debat, que s’opausava al raprochament e que los terroristas mai perilhoses, los caldriá confinar a Guantánamo.
Ara que los dos païses se sarran, quina valor a vertadièrament Guantánamo pels Estats Units? Un còp barrada la preson, gaireben nada: amb las avançadas tecnologicas, los avitalhaments de batèls dins la baia an pas mai de sens, çò que justifica pas pus la preséncia de la marina americana. Mas pòt èsser un element util per negociar; per tant, es possible que los Estats Units pòscan abandonar Guantánamo en escambi de concessions en d'autres domenis politics.
En fach, la Lei Helms–Burton de 1996 establissiá ja que los Estats Units pòdon far los passes per la restitucion de Guantánamo, amb la condicion que Cuba aja un govèrn democratic —fach qu’indica clarament que la valor militara e estrategica d’aqueste territòri èra ja escassa o nulla.
Pasmens, mentretant, la basa e la preson contunhan de foncionar. Un total de 5.394 personas, entre militars e civils, i trabalhan cada jorn e, per tant, lo Departament del Tresaur dels Estats Units contunha d’enviar los chècs cada an a Cuba. Abans lo 17 de decembre de l’an passat, quora se restabliguèron de relacions diplomaticas e se redobriguèron las ambaissadas, o fasiá a travèrs de la delegacion soïssa. Lo prètz, 4.085 dolars per an, segon lo darrièr ajustament que los Estats Units faguèron en1973.
Cuba encaissa pas los chècs, que s’anullan se s’encaissan pas dins un an. L’argent es adreiçat al Clavaire General de la Republica de Cuba, figura administrativa que, dempuèi d’annadas, fa pus partida de l’estructura del govèrn de l’illa. Mas ont van los sòus que Cuba encaissa pas? Aquò demòra un mistèri de l’administracion nòrd-americana, mas es possible que, quand se signarà l’acòrdi, lo govèrn cuban reclame totas las somas comoladas dels darrièrs cinquanta sièis ans.
Aqueste article es adaptat de Geopolítica.cat amb qui Jornalet a un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ieu ai visitalhat Cuba en 2014. O voliai far abans que los USA tòrnen prene possession de l'Illa e que Cuba venga lo paradis dels bronze cuols yankees , o canadians veire de de la mafia que tenia lo tres quarts de la riquèsa de l'illa al temps de Battista.
Ai viscut près del pòble en cambra d'òste, a cò de l'estajant , de monde, a l'Avana , a Vinhales . Los cubans qu'an pas la lenga dins la pòcha , que sab çò que tenon e çò que l'amenaça. Que son fòrça criticas per Raoul Castrò mas qu'aiman plan lo Fidèl.
Mas que manca de tot encara e totjorn.
Cuba es un paradis pels ecologistas e per causa que i a pas gaire d'industrias e qu' an pas los mejans de se servir de produches qu'enveirinan l'aiga , l'aire e la Tèrra.
Fins a quinze ans un(a) jove (a) pòt pas crebar de fam vist qu'es noirit a gratis
a l'escòla tanben a gratis , e los suenhs medicals a gratis. Costat cultura , musica son al "tòp" es per aquò que la venguda dels Rollings Stones me pareguèt una escòrna a l'inventivitat e a la beltat de la musica cubana.
D'aquel biais la comparason ambe d'autres pais comparables d'America latina, o Haiti qu'es en passa d'èsser sauvada pels USA ( dempuèi mai de 15 ans) e dempuèi lo terratremol es fòrça instructiva....
Cuba a vist passar una tropelada de tempèstas e ciclons sens que degun li pòrte ajuda...
Cal saupre que l'embargò s'aplicava a tot pais qu'escambiava ambe Cuba . Tot batèu que dintrava dins un pòrt cuban venia indesirable dins totes los pòrts del monde liure!
Bon per tornar a la visita d'Obama , cal dire que s'inscriu completament dins la represa en mans de l'America Latina , d'Argentina , a Bolivia en passant per Equator, Brasil , ont la CIA organisèt un còp èra un chapla de massa, e la terror coma en Colombia ( mai de 200 000 mòrts), al Brasil , al Chili , Argentina, Panama, eca un còp èra , çò que valguèt al passatge un prèmi Noble de la patz a Kissinger, e sens que la premsa liura se'n chauta gaire e encara mens lo tribunal international de la Haye qu'òm imagina pas far lo procès de la CIA e de Reagan ....
Que dire en facia d'eveniments prechats pels jornalistas del "main stream" , que semblan gaireben totes pus pròchas del ministèri del dedins , que de la libra pensada?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari