Bandièra01 1180x150: País Invisible

Actualitats

Karayilan: A la milícia del PKK “li caldriá intervenir ara” per defendre “la resisténcia”

Los mots del cap de las HPG anóncian una intensificacion del conflicte curdoturc

“La prima es arribada e caldriá que las HPG intervenguèsson ara”. Çò a dich lo comandant en cap de las Fòrças de Defensa Popularas (HPG, la branca armada del PKK), Murat Karayilan, en mençonant lo besonh de sosténer “la resisténcia d’autodefensa de la joventut curda”. L’intervencion a granda escala de las HPG implicariá l’intensificacion del conflicte que confronta las fòrças turcas amb las milícias curdas restacadas al PKK.
 
Dins las darrièras setmanas, divèrsas fonts del movement curd consultadas per Nationalia avián comentat justament que pendent lo mes d’abril las accions de las HPG s’intensificarián dins lo territòri del Curdistan del Nòrd (Turquia).
 
Ara es lo quite Karayilan que ditz que las HPG “deurián èsser activas dins los airals rurals pr’amor de mostrar lor solidaritat amb la resisténcia dins los airals urbans”, segon d’informacions de l’agéncia Firat News, pròcha del PKK.
 
Efectivament, dempuèi julhet de 2015, lo conflicte s’es debanat principalament dins las vilas del Curdistan del Nòrd, dont lo districte de Sur, a Amed (Diyarbakır), Cizîr o Nisêbin. Del costat curd, las milícias formadas per de joves, las YDG-H, an tengut un ròtle central.
 
Karayilan a insistit sus la demanda d’autonomia dels curds en Turquia, una demanda, çò ditz, qu’es “un drech universal”.
 
 
 
 

Aquesta nòva es adaptada de Nationalia amb qui Jornalet a un acòrdi de cooperacion

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

És una lluita per l'alliberament del poble Kurd, no és agradable, però de vegades algú perd la paciencia i acaba fent el que no vol fer.
La victòria és difícil, per no dir imposible, però tant costa reconeixer el fet diferencial d'un poble, i que aquest vol ésser lliure?
Tant costa deixar d'oprimir, maltractar i destroçar a les nacions que mentenen la seva identitat, per part de les nacions o estats que els ocupen per un motiu o un altre i que abusen de la seva força?
Doncs perquè és pensen que hi ha nacions que agafen aquest cami per l'alliberació.
Cal que tothom pensi, i fagi el correcte, i ens estalviarem molts conflictes.
"El Tàrrega"

  • 0
  • 0
francesc palma de mallorca
1.

Cal luitar coma siga possibla e coma se puga. La Turquia reaccionaria,criminala,mafiosa,...es mereiss que ningú l'ajudi amb sos plans imperialistes.

  • 0
  • 0

Escriu un comentari sus aqueste article