Actualitats
França autoriza l'installacion de basas de l’OTAN
Hollande a la drecha del General de Gaulle
Lo parlament francés adoptèt, dijòus passat 7 d’abril, lo Protocòl sus l’Estatut dels quartièrs generals militars internacionals creats en vertut del Tractat de l’Atlantic Nòrd.
Aquel protocòl, que França aviá ratificat en 1955, èra estat denonciat posteriorament, en 1966, a l'iniciativa del General de Gaulle. En adoptant aquel tèxt, França autoriza ara l'installacion de basas de l’OTAN dins son territòri estatal.
Sens cap de dobte los socialistas franceses uèi al poder son a la drecha del General de Gaulle, que lo contraròtle dels Estats Units sus l’estructura militara de l’OTAN persuadiguèt Charles de Gaulle d’abandonar l’estructura de comandament de l’Aliança en març de 1966.
Sa decision èra pas un simple caprici, coma d'unes o an volgut far creire. Aviá ensajat sens succès de modificar lo procediment de la presa de decisions de l’Aliança fins al moment que comprenguèt qu'èra impossible. La menaça sovietica s'èra amendrida en partida e de Gaulle voliá pas èsser menat dins d’operacions guerrièras qu’el considerava innecessàrias, coma la temptativa dels Estats Units de ganhar en Indochina una guèrra que França aviá ja perduda e que considerava non viabla.
De Gaulle preferissiá que França poguèsse contunhar de defendre sos interèsses en Orient Mejan e en Africa. De mai, la preséncia militara dels Estats Units en França estimulava las manifestacions plenas de “Yankees go home”. Dins aquel contèxt, lo transferiment en Belgica del comandament militar de l’OTAN satisfaguèt totòm.
França anoncièt oficialament lo sieu retorn a la plena participacion a las estructures de militaras de l’OTAN pendent la reünion d’Estrasborg-Kehl en abril de 2009. Mas impausèt qualques condicions per tornar dins l’estructura militara:
— Que se mantenguèsse una libertat d’apreciacion totala per la participacion de França a las operacions de l’OTAN;
— Que se mantenguèsse son independéncia nucleara: França decidiguèt de se jónher pas al Grop dels Plans Nuclears de l’OTAN (GPN), que definís la politica nucleara de l’Aliança;
— Que cap de fòrça francesa foguèsse permanentament jol comandament de l’OTAN en temps de patz;
— De non participar pas al finançament comun de qualques despensas decididas abans del retorn de França dins l’estructura de comandament.
Ara, amb l’acceptacion de possiblas bases de l’OTAN dins lo territòri francés, los socialistas an trencat absoludament una linha istorica d’autonomia de l'armada francesa, e dobrisson las pòrtas a la subordinacion militara.
Aquesta nòva es adaptada de Geopolítica.cat amb qui Jornalet ten un acòrdi de cooperacion
Aquel protocòl, que França aviá ratificat en 1955, èra estat denonciat posteriorament, en 1966, a l'iniciativa del General de Gaulle. En adoptant aquel tèxt, França autoriza ara l'installacion de basas de l’OTAN dins son territòri estatal.
Sens cap de dobte los socialistas franceses uèi al poder son a la drecha del General de Gaulle, que lo contraròtle dels Estats Units sus l’estructura militara de l’OTAN persuadiguèt Charles de Gaulle d’abandonar l’estructura de comandament de l’Aliança en març de 1966.
Sa decision èra pas un simple caprici, coma d'unes o an volgut far creire. Aviá ensajat sens succès de modificar lo procediment de la presa de decisions de l’Aliança fins al moment que comprenguèt qu'èra impossible. La menaça sovietica s'èra amendrida en partida e de Gaulle voliá pas èsser menat dins d’operacions guerrièras qu’el considerava innecessàrias, coma la temptativa dels Estats Units de ganhar en Indochina una guèrra que França aviá ja perduda e que considerava non viabla.
De Gaulle preferissiá que França poguèsse contunhar de defendre sos interèsses en Orient Mejan e en Africa. De mai, la preséncia militara dels Estats Units en França estimulava las manifestacions plenas de “Yankees go home”. Dins aquel contèxt, lo transferiment en Belgica del comandament militar de l’OTAN satisfaguèt totòm.
França anoncièt oficialament lo sieu retorn a la plena participacion a las estructures de militaras de l’OTAN pendent la reünion d’Estrasborg-Kehl en abril de 2009. Mas impausèt qualques condicions per tornar dins l’estructura militara:
— Que se mantenguèsse una libertat d’apreciacion totala per la participacion de França a las operacions de l’OTAN;
— Que se mantenguèsse son independéncia nucleara: França decidiguèt de se jónher pas al Grop dels Plans Nuclears de l’OTAN (GPN), que definís la politica nucleara de l’Aliança;
— Que cap de fòrça francesa foguèsse permanentament jol comandament de l’OTAN en temps de patz;
— De non participar pas al finançament comun de qualques despensas decididas abans del retorn de França dins l’estructura de comandament.
Ara, amb l’acceptacion de possiblas bases de l’OTAN dins lo territòri francés, los socialistas an trencat absoludament una linha istorica d’autonomia de l'armada francesa, e dobrisson las pòrtas a la subordinacion militara.
Aquesta nòva es adaptada de Geopolítica.cat amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Malament rai, lo camin es la neutralitat, sortir de l'otan e de tot bloc militar
lo govèrn socialista nos aurà ren esparnhat : ara, la subordinacion militària totala ais USA que amb de contradiccions fenomenalas menan una politica pro-islamista dempuèi 1990 en Euròpa en sostenènt lei populacions mahometanas de l'anciana Iougoslavia e en favorisant l'islam radicau amb de guèrras nècias au nom de la democracia au mejan-orient e de pertot dins lo mond.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari