Actualitats
Maiòta: doas setmanas de cauma generala e de protèstas dins lo silenci mediatic
N’an pro d’una situacion “necoloniala” e “racista”. L’illa es un departament francés d’otramar que l’80% de la populacion i viu jos lo sulhet de pauretat
Fa mai de doas setmanas que l’illa de Maiòta es blocada e los incidents i son de mai en mai violents. Las protèstas dels ciutadans reclaman una egalitat reala amb l’Exagòn dins una situacion qu’es silenciada en França contintentala, e mai se los mèdias locals parlan de “scènas de guerrilha”.
Los manifestants reclaman l’aplicacion efectiva de la lei del trabalh de la metropòli, exigisson de mejans de lucha contra l’inseguretat e demandan la construccion d’escòlas. N’an pro d’una situacion “necoloniala” e “racista”. La situacion es venguda tala que Thierry Galarme, lo president del MEDÈF local que representa lo patronat, mandèt una letra al prefècte en evocant la “perilhositat del movement contestatari”, çò rapòrta Révolution Permanente.
Maiòta es una illa de l’Ocean Indian, administrativament francesa, que l’80% de sa populacion i viu jos lo sulhet de pauretat. En 2009 se votèt en referendum per estrénher los ligams amb París en tot far venir Maiòta un departament d’otramar. En octòbre de 2012 l’illa visquèt ja d’incidents violents pr’amor de las protèstas dels mai paures contra lo còst de la vida. D’aquel movement ne sortiguèt la candidatura del cap sindical Boinali Said Toumbou, qu’a las eleccions de 2012 obtenguèt un sèti a l’Assemblada Nacionala francesa.
Davant lo silenci mediatic de la situacion, los activistas informan suls los rets amb l’etiqueta #SaveMayotte.
#savemayotte tuits
Los manifestants reclaman l’aplicacion efectiva de la lei del trabalh de la metropòli, exigisson de mejans de lucha contra l’inseguretat e demandan la construccion d’escòlas. N’an pro d’una situacion “necoloniala” e “racista”. La situacion es venguda tala que Thierry Galarme, lo president del MEDÈF local que representa lo patronat, mandèt una letra al prefècte en evocant la “perilhositat del movement contestatari”, çò rapòrta Révolution Permanente.
Maiòta es una illa de l’Ocean Indian, administrativament francesa, que l’80% de sa populacion i viu jos lo sulhet de pauretat. En 2009 se votèt en referendum per estrénher los ligams amb París en tot far venir Maiòta un departament d’otramar. En octòbre de 2012 l’illa visquèt ja d’incidents violents pr’amor de las protèstas dels mai paures contra lo còst de la vida. D’aquel movement ne sortiguèt la candidatura del cap sindical Boinali Said Toumbou, qu’a las eleccions de 2012 obtenguèt un sèti a l’Assemblada Nacionala francesa.
Davant lo silenci mediatic de la situacion, los activistas informan suls los rets amb l’etiqueta #SaveMayotte.
#savemayotte tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Grandmercé al Jornalet per aquela informacion que non sabiái pas. Pecaire per eles, decidiguèron a Maiòta de venir encara mai ''francés" amb lo referendum de 2009. Solide, la situacion economica dins aquela isla es plan diferenta de la de l'Exagòn. Es çò meteis per d'autres territòris d'otramar. Tot es mai car. Se ditz tanben que i a de mai en mai de racisme dempuèi lo referendum passat. D'autras gents de las Comòras venon a Maiòta pr'amor qu'es un departament francés. Vòlon profieitar dels avantatges socials qu'existisson a Maiòta. Alavetz, las gents de Maiòta rebutan los comorians ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari