Bandièra01 1180x150: Comuna de Tolosa

Actualitats

Patric Roux elegit president del CIRDÒC

| Lo CIRDÒC-Mediatèca occitana
Novèla Region, novèl conselh d’administracion! Patric Roux, conselhièr regional delegat a la lenga e cultura occitanas de la region de Lengadòc-Rosselhon-Miègjorn-Pirenèus, es estat elegit president del CIRDÒC a l’escasença del darrièr conselh d’administracion.
 
Patric Roux a saludat lo bilanç de son predecessor, Marcel Mateu, president del CIRDÒC de 2010 a 2015. Lo president novèl a afirmat tornarmai l’engatjament de la Region al prèp del CIRDÒC. Lo president novèl a insistit tanben sus lo fach que lo sosten e la promocion de las lengas e culturas occitanas e catalanas fasián partida de las quatre prioritats regionalas afichadas per la novèla region de Lengadòc-Rosselhon-Miègjorn-Pirenèus en decembre passat.
 
Lo conselh d’administracion novèl a exprimit sa volontat d’afortir lo ròtle del CIRDÒC coma aisina de cooperacion entre l’estat, las collectivitats territorialas, las universitats, las associacions e los professionals per fin de desvolopar una cultura occitana del sègle XXI, viva e creativa, portant las valors de convivéncia e que participariá a l’atractivitat del territòri.
 
 
 
 
CIRDÒC

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article