Bandièra01 1180x150: Comuna de Tolosa

Actualitats

Bretanha. Un prèmi per desmontar los panèls en francés

Lo prèmi "An Alc’hwez Aour 13" demanda lo desmontatge dels panèls en francés per permetre un passatge aisit a una senhaletica bilingua

| 7seizh.info

Dempuèi dissabte 31 de març, una granda quantitat de panèls en francés espèra un lifting bilingüe breton-francés a la prefectura de Kemper. Las comunas bretonas pòdon reclamar los lors panèls desapareguts a la prefectura.
 


Organizat per Ai’ta, associacion que demanda la lenga bretona coma lenga oficiala en Bretanha, lo prèmi "An Alc’hwez Aour 13" (clau num. 13 d'aur) es estat distribuit a l'escasença de la granda manifestacion de sosten a las lengas minorizadas del 31 de març qu'amassèt près de 12 000 personas a Kemper. Es l’èx-candidat per l’eleccion presidenciala e futur candidat a las legislativas Dédé l'Abeillaud qu'a remés lo trofèu al vencedor. 
 
Per èsser premiat, lo collectiu Ai’ta aviá apelat a practicar lo desmontatge d’una granda quantitat de panèls en francés per permetre un passatge aisit a una senhaletica bilingua. Los cònsols dels cinc departaments bretons, sens dobte sensibles a l’esfòrç del collectiu, pòdon doncas, tre ara, reclamar los panèls desmontats als servicis de la prefectura de Finistèrra. 
 
Un grand nombre de comunas trabalhan a l'ora d'ara al renovament de la lor senhaletica. A Erge-ar-Mor per exemple, lo trabalh de reflexion es engatjat dempuèi qualques meses. Aurà, l’accion, l’avantatge de metre en abans las causidas politicas en favor del bilingüisme? La senhaletica en breton? Una question sus la quala los elegits dels movements bretons se deuràn posicionar tre ara. 
 


Melize – Sarah Chedifer, e brezhoneg

Aqueste article e las illustracions associadas venon del jornal breton 7Seizh.info, amb qui Jornalet a un acòrdi de cooperacion.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Sudpirinenc Ripoll
3.

Fòrça bona accion. Pòt pas èsser qu'a Euròpa dins plen sègle XXI i aja de lengas que se los i deneguen los sieus legitimes dreches e la siá preséncia en la vida publica.

  • 2
  • 0
Mahmut
2.

Bretanha mostra lo camin !

  • 5
  • 0
Oliveta
1.

Òsca per l'iniciativa dels bretons! Es aital que cal far en Occitània. Anem tirar los panèls!

  • 3
  • 0

Escriu un comentari sus aqueste article