Actualitats
Decès de l’activista chinés Harry Wu
Luchèt contra los centres de detencion de trabalh forçat de China, nomenats “laogai”
Harry Wu, activista chinés pels dreches umans e èx-presonièr politic, moriguèt dimars, dins los 79 ans, mentre qu'èra en vacanças en Honduras acompanhat de qualques amics, çò a raportat la Laogai Research Foundation.
Wu fondèt aquela organizacion en 1992 per analisar e sensibilizar suls “laogai”, çò es los centres de detencion de trabalh forçat de China, creats per Mao.
Mentre qu’estudiava a l’universitat, en China, Wu foguèt condemnat a 19 ans de preson per parlar contra l’Union Sovietica, qu’èra alavetz un país aliat de China. Foguèt liberat en 1979, e en 1985 s’establiguèt als Estats Units, ont trabalhèt per sensibilizar lo mond suls laogai, quitament davant lo Congrès estatsunidenc.
Wu foguèt tornarmai arrestat en China en 1995, acusat d’espionatge. Aquela acusacion èra pas qu’una represalha pel sieu trabalh en favor dels dreches umans. Foguèt sentenciat a 15 ans de preson abans d’èsser transferit als Estats Units.
Wu fondèt aquela organizacion en 1992 per analisar e sensibilizar suls “laogai”, çò es los centres de detencion de trabalh forçat de China, creats per Mao.
Mentre qu’estudiava a l’universitat, en China, Wu foguèt condemnat a 19 ans de preson per parlar contra l’Union Sovietica, qu’èra alavetz un país aliat de China. Foguèt liberat en 1979, e en 1985 s’establiguèt als Estats Units, ont trabalhèt per sensibilizar lo mond suls laogai, quitament davant lo Congrès estatsunidenc.
Wu foguèt tornarmai arrestat en China en 1995, acusat d’espionatge. Aquela acusacion èra pas qu’una represalha pel sieu trabalh en favor dels dreches umans. Foguèt sentenciat a 15 ans de preson abans d’èsser transferit als Estats Units.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari